دیمک ایران و 5+1 گروهی مملکت‌لر هسته‌یی مذاکره‌لری تمدیدی یکونلنماقده، ایران و دنیا قدرتلر رسمی‌لری‌نینگ سوزلشوولری اساسی مرحله‌گه ییتیشگن و کورینیشیچه، ایکی تامان سونگی کیلیشوو نتیجه‌سیگه یقین‌لشگن.
رویترز خبرنامه‌سی ایران‌نینگ بیر ییریک رسمی‌سیدن نقل قیلیب یازیشیچه، ایران و دنیا قدرتلری هسته‌یی کیلیشووی بوگون اوز اداغیگه ییتیشه‌دی، بیراق ییچیلمه‌گن ایریم مسئله‌لر موجود بولگنی باعث، تشقی ایشلر وزیرلری‌نینگ حضوری لازم.
شونینگ‌دیک، رویترز خبرنامه‌سی امیریکه تشقی ایشلر وزیری جان کریدن نقل قیلیب گزارش بیریشیچه، ایران مذاکره‌سی نیچه مرحله‌لی حقیقی قرارلرگه ییتیشگن، بیراق حاضرگچه نیچه چیگل مسئله موجود دیر.
بیراق امیریکه ییریک رسمی‌لریدن بیری‌نینگ وین‌ده ایتیشیچه، حاضرگچه مهم قره‌مه قرشی لیک‌لر موجود و سونگی کیلیشوو توغری‌سیده اویلب بولمه‌یدی.
اسوشیتدپرس خبرنامه‌سی وین مذاکرهسیگه حضور تاپگن دیپلمات‌لردن نقل قیلیب گزارش بیریشیچه، ایکی تامان موجود بولگن قره‌مه قرشی مساله‌لر باره‌سیده بوگون کیلیشیشی ممکن، بیراق سونگی کیلیشوو رسمی معلوماتی‌نی ایرته‌گه قویه‌دی.
شونینگ‌دیک فرانسه تشقی ایشلر وزیری لوران فابیوس اوتکن کیچه ایران تشقی ایشلر وزیری محمدجواد ظریف بیلن اوچره‌شگنی‌دن کیین وین‌ده ایتیشیچه، حاضر موضوع‌لر میز اوستی‌گه قالگن و قرار قیلیش وقتی ییتیشیب کیلگن.
فرانسه خبرنامه‌سی گزارشی‌ده جناب فابیوس‌نینگ ایتیشیچه، ایران هسته‌یی سوزلشوولری سونگی مرحله‌گه ییتیشماقده. اونینگ کوپه‌یتیریشیچه، پیت اوتیشی بیلن سونگی کیلیشووگه ییتیشه‌میز.
شونینگ‌دیک آلمان تشقی ایشلر وزیری‌نینگ اوز تویتر صحیفه‌سیده یازیشیچه، ایران هسته‌یی مذاکره‌سی اینگ اساسی مرحله‌گه ییتیشگن.
شونده‌ی بیرحالده، روسیه تشقی ایشلر وزیری سرگی لاوروف، بو مذاکره‌گه اشتراک ایتیش اوچون وین‌ده قیتیب کیلدی. جناب لاوروف‌نینگ ایتیشیچه، وین‌گه قیتمه‌سدی، بیراق کیلیشوو اوچون.
ینگی‌دن اسراییل باش وزیری بنیامین نتانیاهو، ایران و دنیا قدرتلری هسته‌یی مذاکرهسیگه قرشی‌لیک کورسه‌تیب، بو سوزلشوولرنی ایران برابریده آرقه‌گه چیکیلیش بیلیب و مذکور مملکت‌لردن ایران برابریده تسلیم بولمس‌لیک لرینی سوره‌دی.
