ایران تشقی ایشلر وزیری محمدجواد ظریف پاکستان باش وزیری نینگ تشقی مساله‌لر بوییچه همده ملی امنیت مصلحتچی‌سی سرتاج عزیزبیلن اسلام آباد ده بیر خبری ییغین اوتکزیب ایران بوتونلی افغانستان امنیتی تامین ایتیلیشی اوچون متعهد دیگن.
بوگون پنج‌شنبه پاکستان‌گه سفر قیلگن ظریف‌نینگ خبرچی‌لرگه ایتیشیچه، پاکستان باش وزیری همده دیپلماسی دستگاه رییسی هم افغانستان‌ده خوفسیزلیک تامین ایتلیشی اوچون متعهد ایکن‌لیکلریدن سوز بیرگن‌لرینی خوش قرشیله‌گن. او، ایکی مملکت افغانستان امنیتی‌نی تامین قیلیش‌ده کومک بیریش‌لریگه امید بیلدیرگن.
جناب ظریف‌نینگ پاکستان هوا میدانی‌ده ایتیشیچه، افغانستان، یمن و منطقه‌ده‌گی باشقه مملکت‌لر قیینچی‌لیگی توغریسیده پاکستان بلند مرتبه‌لی رسمیلری بیلن صحبت اوتکزیله‌دی.
اونگه کوره، پاکستان ایران‌نینگ یقین دوستلریدن بیری دیر.
جناب ظریف پاکستان باریشی بیلن اومملکت باش وزیری نواز شریف بیلن اوچرشگن. شونینگ‌دیک او بو مملکت باش وزیری بیلن ملاقات قیلگن‌دن کیین سرتاج عزیز بیلن صحبت قیلیب سونگ ایکاولری قوشمه مطبوعات انجمنی‌ده اشتراک قیلگن.
شونینگ‌دیک سرتاج عزیزنینگ افغانستان و طالب‌لر اورته‌سیده اوتکزیله‌دیگن تینچلیک مذاکره‌لر باره‌سیده ایتیشیچه، پاکستان رسمی کابل و طالب‌لر ارا تینچلیک مذاکره اوتکزیلیش‌ده همکارلیک قیلیش اوچون اوز وعده‌سیگه استوار.
جناب عزیز، پاکستان تینچلیک مذاکرلر اوچون یاردم بیرووچی همده شرایط یره‌تووچی صفتی‌ده همکارلیک قیلیش‌گه دوام بیره دی دیگن. او، تینچلیک مذاکره‌لر تیزده باشله‌نیشی‌نی بیلدیرگن.
رسمی کابل و طالب‌لر ارا اوتکزیله‌جک تینچلیک مذاکره‌لر ملاعمر وفاتی اعلان ایتیلیشی بیلن آرت‌ده قالدیریلدی.
باشقه تاماندن ایران تشقی ایشلر وزیری، پاکستان‌گه قیلگن سفردن نیت ایران‌نی بو مملکت و قوشنی دولت‌لرگه همکارلیک قیلیش دییه اعلان قیلگن. او، حاضرگی کونده «ایران و غرب» دولت‌لری اورته‌سیده‌گی علاقه‌لر یخشیلشگن، مملکتی بوندن بویان منطقه دولت‌لریگه همکارلیک قیلیش‌گه تیار.
ظریف، افراطیت، زوروانلیک و ترورچیلیککه قرشی کوره‌شیش اوچون منطقه دولت‌لری‌نینگ کوپراق سعی و حرکت آلیب باریشی‌گه احتیاجلری بارلیگنی تیل‌گه آلگن.
جناب ظریف، « ایکی دولت همده باشقه منطقه دولت‌لری همکارلیگی بیلن منطقه سیاسی مساله‌سی جمله‌دن یمن، سوریه، عراق، افغانستان و باشقه مملکت‌لرده امنیت تامین ایتلیشی اوچون اساسی رول اوینه آلیشی حقیده امید بیلدیریب، بو باره‌ده مسؤولیتی طرزده وظیفه بجریشی‌گه» تاکیدله‌گن.
افغانستان‌نینگ جنوب شرقی و جنوب غربی قوشنی‌لری ایران و پاکستان دایمی ترورچیلرنی حمایت قیلیب بو مملکت ایچکی ایش‌لریگه اره‌لشگن‌لیکده عیب‌لنگن.
بوندن نیچه وقت آلدین طالب‌لر حرکتی‌نینگ ایریم گروه‌لری ایران رسمیلری بیلن اوچره‌شگنی توغریسیده گزارش‌لر نشر ایتیلگن ایدی، اما ایران تشقی ایشلر وزیرلیگی بو توغریده خبرسیز ایکن‌لیگینی ایتگن ایدی.
شونینگ‌دیک ملی بیرلیک حکومتی‌نینگ رهبرلری بوندن اوچ کون آلدین پاکستان افغانستان‌گه بریگن وعده‌لرگه هیچ بیر وقت صادق عمل قیلمه‌گن لیگینی ایتگن ایدی‌لر. جمهور رییس غنی بیر خبری ییغین‌ده، پاکستان ترورچی‌لرگه قورال اسلحه ایشلب چیقره دیگن مملکت دیب، او مملکت‌نی دایم افغانستان‌گه اوروش پیامی‌نی یوباره‌دی دییه عیبله‌گن.
باشقه تامادن ایران تشقی ایشلر وزیری یمن‌ده حوثی‌لر گروهی‌نی حمایت قیله‌دیگن بیر چاغ‌ده پاکستان‌گه سفر قیلگن، اما پاکستان سعودی عربستان رهبرلیگی‌ده حوثیلرگه قرشی اوتکزیله‌دیگن هجوملرنی حمایت قیله دیگن دولت‌لردن.
