مالیزیا میزبانلیگیده اوتکزیلگن آسیا ساحلی فوتبال مسابقه‌سی ایران تیمی قهرمانلیگی بیلن پایانی‌گه ییتدی. نهایت ایران یانیده بیرلشگن عرب امیرلیگی و جاپان ایسه دنیا ساحلی فوتبال اویینلریگه یول آلدی.
ترقه تیلگن معلوماتلرده، ایران ساحلی فوتبال تیمی قیزیق بیر اویین اوتکزیب بیرلشگن عرب امیرلیگینی 7 – 2 مقابلیده یوتیب، آسیا قهرمانلیک جامینی قول‌گه کیریتدی. جاپان ایسه 6-3 مقابلیده لبنان‌نی یوتیب اوچینچی اوریننی کسب قیلدی.
ایران، بیرلشگن عرب امیرلیگی و جاپان ایسه دنیا ساحلی فوتبال مسابقه‌لریده قتنه‌شیشی کوتیله‌دی.
بو مسابقهلرده اشتراک قیلگن افغانستان ساحلی فوتبال تیمی چین و مالیزینی تیملرینی یوتگن دن سونگ ایران و بحرین تیملریگه یوتقیزیش بیلن رقابتلریدن حذف بولدی.
ایرانلیک فوتبالچی محمدعلی مختاری 12 گول و افغانستانلیک اویینچی روف قادری ایسه 9 گول اوریش بیلن بو دور فوتبال مسابقه‌سی نینگ اینگ یخشی گول‌زنی تانیلگن.
آسیا قهرمانلیک رقابتلری همده دنیا ساحلی فوتبال تیمیگه یول تاپیش اوچون دستلبکی مسابقه‌ده 13 تیم اشتراک قیلگندی.
خلق ارا ساحلی فوتبال مسابقه‌سی جاری ییل اپریل آیی نینگ 27- سیده باشلنیب می آیی نینگ 7سیگچه دوام ایته‌دی. بو رقابتلرده پرتگال تیمی قهرمانلیک مقامینی مدافعه قیله‌دی.
