ننگرهار ولایتی‌نینگ اچین تومنی‌ده اوچوچی‌سیز باشقریله دیگن اوچاقلرنینگ هوادن بیرگن ضربه‌سی نتیجهسیده 13 کیشی تینچ فقرا قربان بولگن. 17 کیشی عادی اهالی تَن جراحتی آلگن لیگی ایتیله‌دی. حادثه تون‌نینگ یریمیده عملگه آشیریلگن.
نامی سر سقله‌نیش شرطی بیلن سلام وطندارگه گپرگن بیر منبع‌نینگ بیلدیریشیچه، اوچوچی‌سیز باشقریله‌دیگن اوچاقلر یقین‌ده حج مراسیمی‌دن قیتگن قوم یاش اولوغلریدن بیرینینگ اویینی نشانگه آلگن. هجوم، اوشبو اویده حاجی‌نینگ قوم وقرینداشلری ییغیلیب تورگن بیر پیت‌ده عملگه آشیریلگن. منبع، هجومده مذکور حاجی یره‌لنگن لیگینی ایتگن.
نامی فاش ایتیلمسلیک شرطی بیلن سلام‌وطندارگه صحبت بیرگن پولیس نینگ بیر قوماندانی، هجومده قربان بولگن و یره‌لگنلر برچه‌سی تینچ اهالی ایکن لیگینی تصدیقله‌گن.
اما، ننگرهار ولایتی والیسی‌نینگ سوزلاوچیسی عطاءالله خوگیانی، هجوم داعش جنگریلرنینگ مرکزی نابود ایتیلیشی اوچون عملگه آشیریلگن دیگن. اونگه کوره، هوا دن بیریلگن بو ضربه عاقبتیده داعش جنگریلرنینگ بیر قنچه‌سی یره لنگن. داعش توده‌سی هنوزگچه بو حقده بیرار نرسه دیمه‌گن.
