.jpg)
سمنگان امنیتی اداره‌لر مسووللری، ولایت پولیس قوماندانلیگی‌نینگ اعتبار بیرمه‌گنی باعث اوز پوللری حسابی‌گه حربی عسکرلریگه خوفسیزلیک پوسته‌لر قوریب بیرگن‌لیکلرینی ایتگنلر.
آیبک شهری اوچینچی حوزه‌سی‌نینگ آمری سید بشیر سلام‌وطندارگه بیرگن صحبتده، ولایت‌نینگ پولیس قوماندانیدن حربیلری اوچون قرارگاه قوریب بیریشنی سوره‌گن، بیراق بودیجه بولمه‌گنلیگی سبب شخصی پولیدن اولرگه حربی قرارگاه قوریب بیریشگه مجبور بولگن لیگینی معلوم قیلگن. بو ایشنی ملی کوچلر روحی قوتله‌نیشی اوچون قیلگن لیگینی ایتگن قوماندان.
اوتگن کون سمنگان مرکزیده اجتماعی ترماقلرده نشر بولگن تصویرلرده آیبیک شهری نینگ اوچینچی حوزه قوماندانی خام خشت‌گه پوسته قوریب تورگنی کوزگه تشلنه‌دی.
سمنگان ولایتی نینگ ولایت کینگشی اعضاسی محمد‌هاشم سروری، ولایت پولیس قوماندانی‌نینگ بی‌فرق یانده‌شیشی پولیس منصبدارلری نینگ روحی‌گه سلبی تاثیر قالدیرگن دیگن.
ولایت کینگشی نینگ بو اعضاسی ولایتده‌گی ملی پولیس حربیلرنینگ کییم – کیچگی‌گه اعتبار بیریلمیدی همده سمنگان‌ده‌گی ملی کوچلرنینگ قولیده‌گی امکانیتلر جوده آز دیگن.
ولایت اوچینچی حوزه‌سی‌نینگ امینت آمری نیچه ییلدن بیری کراگه آلینگن اویده حیات کچیریشی‌نی تصدیق ایتگن ولایت کنگیشی نینگ اعضاسی پولیس منصبدارلری نینگ معاشی نیچه آیدن بیری تولنمه‌گن دیگن.
جناب سروری، ایچکی ایشلر وزیرلیگی نینگ مسووللری سمنگان پولیسی‌گه نسبتن بی‌فرق یاندشگن حالده، ولایت نینگ امنیتی وضعیتی بوزیلیشی باره‌سیده آگاهلالنتیرگن. اونینگ سوزلریگه کوره، ییترلی درجه ده ملازم بولمه‌گنی و پولیس‌گه لازم درجه‌ده امکانیت بیریلمه‌گن لیگی باعث ولایت نینگ تورلی منطقه‌لریده طالبلر محل اهالیسی‌دن باج آله‌دی.
بو توغریده سمنگان پولیس قوماندانلیگی رسمیلری فکرینی اورگه‌نیش اوچون آلیب باریلگن سعی وحرکت نتیجه بیرمه‌دی. سمنگان خبرلرده آتی کم – کم تیلگه آلینه دیگن ولایتلردن حسابلنه‌دی.