لوگر امنیتی مسؤول‌لری کابل- غزنی و کابل – گردیز قتناو یولی‌ده یوزلرچه امنیتی کوچلر جایلشگنی‌دن خبر بیره‌دیلر.
لوگر و میدان وردک تورتینچی پیاده لوا قومندانی عبدالرازق ساپی، 24- ثورده بیرخبری ییغین‌ده چیقیش قیلیب ایتیشیچه، ناتینچ‌لیک‌لر آلدینی آلیش اوچون مذکور قتناو یول‌لرده یوزلرچه امنیتی کوچلر جایلشتیریلگن.
جنا ساپی‌نینگ ایتیشیچه، قوراللی عصیانچیلر مذکور یول‌لرده امنیتی کوچلر اوستیگه هجوم اویوشتیریب و تینچ اهالی‌دن باج آله‌دیلر؛ اما بوندن کیین آلدینکی اویوشتیره‌دیگن ایشلری امنیتی کوچلر تامانیدن خنثی ایتیله‌دی. اونینگ کوپیتیریشیچه، امنیتی کوچلر بو منطقه امنیتی‌نی سقلش اوچون دقت قیله‌دیلر؛ لیکن بو ییرلرنی بوتونله‌ی تینچ بولیشی، تینچ اهالی همکارلیگی‌گه باغلیق.
شونینگ‌دیک بویوللردن اوتیب قیته‌دیگن یوللاوچی‌لر امنیتی کوچلر جایلشگنی‌دن خرسندلیک بیلدیریب ایتیشیچه، بو یول‌لرده امنیتی کوچلر جایلشگنی‌دن بویان ناتینچ‌لیک‌لر کم بولگن.
لوگر تینچ اهالیسینینگ ایتیشیچه، مذکور یول‌لرده امنیتی کوچلر حضور تاپمس‌دن آلدین، هر کون پارتلاو هجوم‌لریگه گواه بولر ایکن‌لر، حاضرگی کونلرده بو هجوم‌لر آزه‌یگن.
شونینگ‌دیک میدان وردک اهالیسینینگ ایتیشیچه، مذکور ولایت سیدآباد تومنی‌ده بیر قطار جنگری‌لر حکومت‌گه ایشله‌یدیگن کیشی‌لرنی توشیریب، بو تومن یولی‌نی ترافیک یوزیگه باغله‌گن ایدی، حاضر امنیتی کوچلر جایلشگنی باعث بونده‌ی عمل‌لر تکرار بولمه‌یدی.
اولر امنیتی کوچلردن برچه قتناو یوللر امنیتی اینیقسه کابل – گردیز یولی‌ده امنیتی پوسته قوریشلرینی سوره‌گنلر.
ایکی آی آلدین طالب‌لر کابل – گردیز یولی، سیدآبا تومنی سالار منطقه‌سی‌ده تینچ اهالی موتری‌نی هدف‌گه آلگن ایدی نتیجه‌ده 13 کیشی هلاک بولیب و باشقه 2 کیشی تن جراحت آلگن.
