اولکه ملی کریکت تیمی پنج‌شنبه کونی اسکاتلند برابریده اوینه‌ش اوچون مذکور اولکه تامان یول آله‌دی.
ملی کریکت تیمی‌نینگ باشلیغی شیرآغا همکارنینگ ایتیشیچه، ایککی کوندن کیین بو تیم اسکاتلند تامان یول آلیشی ممکن.
بوندن آلدین اولکه کریکت بوردی‌نینگ ایتیشیچه، ننگرهار ده 15 کونلیک اورگه‌تیش کمپ‌لریده ملی کریکت اویین‌چیلریدن 21 ته‌سی باشقه اویین‌چیلر بیلن تورت تمرینی مسابقه یولگه قویه‌دیلر، بو مسابقه‌لر مقصدی اسکاتلند کریکت تیمی برابریده تیارگرلیک آلیش دییلگن ایدی.
ایتیلیشیچه، اسکاتلند برابریده‌گی مسابقه‌ده اشتراک ایته دیگن 21 اویینچی‌دن حاضرگچه 14 ته‌سی تانیشتیریلمه‌گن.
ملی کریکت باشلیغی‌نینگ ایتیشیچه، افغانستان اویین‌چیلری مذکور اولکه سترلینگ میدانی ده‌گی اویین و انترکانتینینتل جامی مسابقه‌لریگه اشتراک ایتیش‌گه قوشیمچه ایچکی تیم‌لر بیلن ایکی تمرینی اویین یولگه قوییش‌لری ممکن.
جناب همکار بو سفر لایحه‌سی و تمرینی مسابقه‌لر توغری‌سی‌ده انیق معلومات بیرمه‌گن.
شونینگ‌دیک افغانستان بیلن اسکاتلند 2015- ییل خلق ارا جام مسابقه‌لریده رقابت قیلگن‌لر، افغانستان مذکور ده‌گی آلتی اویین آره سیدن یالغیز بیر اویین‌ده یوتوق‌گه ایریشگن.
اسکاتلند، 2004 – ییل انترکانتینینتال بیرینچی اویینی‌ده کانادانی شکست بیریب قهرمان‌لیک مقامی‌گه ایریشگن ایدی.
