.jpg)
آیلیک کم‌لیگی، باش‌پناه یوق‌لیگی و اقتصاد ضعیف‌لیگی اوقیتووچی‌لر برابریده بولگن اساسی قیین‌چیلیک‌لردن دیر. حکومتنی سابق و حاضرگی رهبرلری بو قیین‌چلیک‌لرنی حل قیلیش اوچون وعده‌لر بیرگن؛ بیراق حاضرگه‌قدر اوقیتووچی‌لر حیاتی‌ده هیچ‌قندی اوزگرشلیک کیلمه‌گن.
معارف وزیرلیگی‌نی سرپرستی میرویس بلخی‌نینگ سلام‌وطندارگه ایتیشیچه، اوقیتووچی‌لرنینگ آیلیگی ایترلی ایمس، اولردن کوپینچه‌سینی باش‌پناه‌سی یوق.
جناب بلخی‌گه کوره، بو قیین‌چیلیک‌لرنی حل قیلیش و اوقیتووچی‌لر آیلیگی‌نی کوپه‌یتیریش اوچون بیر طرح توزه‌لیب حکومت‌گه تاپشیریلگن. اونینگ ایتیشیچه، اوقیتووچی‌لرنینگ آیلیگی‌نی کوپه‌یش میزانی مالیه وزیرلیگی تامانیدن تعیین ایتیله‌دی و معارف وزیرلیگی بو توغریده سعی و حرکت قیلماقده.
شوتوغریده…
- جوزجان ولایتی‌نینگ معارف ریاستی‌ده بیر میلیون افغانی تالان قیلینگن
معارف وزیرلیگی 30 مینگ عیال اوقیتوچی تعیین قیله‌دی
.jpg)
معارف وزیرلیگی سرپرستی‌نینگ کوپه‌یتیریشیچه، اوقیتووچی‌لرنینگ آیلیگی کوپهیتیریلیشی چکهسیده، اولرگه همکارلیک قیلیش اوچون سعی و حرکت صورت تاپه‌دی. اونینگ ایتیشیچه، 8 ییلدن سونگ، قدم و بست‌نی ارتقا بیریش ریجه‌سی قولگه آلینگن.
مالیه وزیرلیگی‌نینگ سوزلاوچیسی شمروزخان مسجدی‌نینگ سلام‌وطندارگه ایتیشیچه، بوتون ملکی خذمت‌لر ایشلاوچی‌لری‌نینگ آیلیکلرینی کوپه‌یتیریش طرحی قولگه آلینگن. جناب مسجدی‌نینگ کوپه‌یتیریشیچه، مالیه، اقتصاد و اجتماعی ایشلر وزیرلیگی و ملکی خذمت‌لر کمیسیونی تامانیدن تشکیل تاپگن کمیته بو طرح اوستیگه ایش قیله‌تدی.
اوقیتووچی‌لرنینگ آیلیکلرینی کم‌لیگی قطار ییغین‌لرده مطرح ایتیلگن، بیراق حاضرگه‌قدر اوشبو قیین‌چیلیک‌نی حل ایتیلیشی توغریسیده دقت قیلینمه‌گن.