بوگون « یکشنبه» غور ولایتیده 113 مکتب‌نینگ اوقیتووچیلری، معاش‌لری کیلمه‌گنی اوچون ایکینچی مرته اعتراض بیلدیریب و مذکور ولایتنینگ مستوفیتی برابریده تحصن خیمه قورگنلر.
اوشبو اوقیتووچیلرنینگ ایتیشیچه، اداری لحاظ دن ایش‌لریگه هیچ قندی قیینچیلیگی یوق، بیراق سیاسی اویین‌لر اوچون اولرنینگ آیلیگی توللنمه‌گن و اولر 13 آی‌دن بویان یالغیز وعده
آله‌دیلر.
بیراق غور ولایتی‌نینگ مستوفی‌سی ایتیشیچه، اولر اوقیتووچیلرنی معاش‌لری بیریلیشی توغریسیده هیچ قندی بویروغ آلمه‌گنلر و بویروغ کیلگن صورت‌ده اوقیتووچیلرنی معاش‌لری بیریله‌دی.
عین حالده، غور معارف ریاستی‌نینگ سرپرستی فضل‌الحق نجات‌نی ایتیشیچه، اوقیتووچیلرنی آیلیک‌لری بیریلیشی اوچون مذکور ولایتنینگ محلی اداره‌سی بیلن برچه موضوع لر کیلیشیلگن و بو اداره اوز مسؤلیتی‌نی عمل‌گه آشیرگن.
