کابل غربی ده‌گی تحصن خیمه‌لردن بیریگه حضور کیلتیرگن اوغیرلنگن یولاوچی‌لردن بیری‌نینگ عیالی خانم قمر، حکومت‌دن ایرینی اوغیرلاوچی‌لر قولیدن قویباریش اوچون، جدی اقدام قیلیشی‌نی ایسته‌دی.
اونینگ ایتیشیچه، حکومت بولر ایستگی‌گه توجه قیلمه‌گن صورت‌ده، بولر اوچون یشش معنی‌سی یوق و اوزینی الاو بیرشه‌دی.
اوغیرلنگن‌لردن ینه بیرینی اوغلی نعمت‌الله ایسه، حکومت بولردادیگه ایتمه‌گن صورت‌ده، اوزی و عایله اعضاسی‌نی جمهورلیک ریاست توغری سیده الاو بیریش هشدارینی بیره‌دی.
مذکور خیمه‌ده حضور تاپگن یولاوچی‌لر عایله اعضاسی، یولاوچی‌لر قویب یوباریلیشی اوچون دولت‌نی سهل‌انگارلیک‌که متهم قیلدیلر.
کابل‌ده اوچینچی تحصن خیمه‌سی 31 یولاوچی اوغیرلنیشیدن حاضرگه قدر هیچ قنقه بیر درک یوق. اوشبو خیمه کابل غربی‌ده منطقه یشاوچی‌لری تامانیدن تیکیلگن و تحصن قیلگن‌لر یولاوچی‌لرنی تیزلیک‌ده قویب یوباریلیشی‌نی سوره‌یدی.
تحصن قیلگن‌لر ایتیشیچه، 31 یولاوچی اوغیرلنیشیدن چمه‌سی ایکی آی اوتیشی بیلن حاضرگه قدر اوغیرلنگن‌لر وضعیتی قنقه‌لیگی توغری سیده بیرنرسه بیلمی‌دیلر.
تحصن قیلگن‌لردن بیری محمدشکیب شفایی حکومت سکوت اختیار قیلگنیدن انتقاد قیله‌دی و تحصن قیلیش دلیلی حکومت نینگ کر و کور بولگن کوزو قولاغی آچیلیشی اوچون‌لیگی دیب بیله‌دی.
جناب شفایی یولاوچی‌لر قویب یوباریلمه گونگه قدر تحصن‌لرینی دوام ایتیدیریشگه تاکید قیله‌دی.
تحصن قیلگن‌لر بیر بیانیه صادر قیلیش‌لری بیلن نماینده‌لر مجلسی‌دن یولاوچی‌لر حیاتی اوچون بیرتصمیم آلیشلرینی سوره‌دیلر.
تحصن قیلگن‌لردن ینه بیری ضیا ساحل تاکید قیلیشیچه، دنیا بشری حقوق مدافعه تشکیلات‌لری مذکور قضیه اوچون سکوت اختیار قیل‌مسلیک‌لرینی سوره‌گن.
مذکور خیمه ده‌گی تحصن قیلگن‌لر کورگوزمه شکلیده تعصب و تبعیض‌نی یوقاتیش اوچون نوار قطع قیلدیلر.
