هلمند ولایتی محلی رسمی‌لری‌نینگ ایتیشیچه، طالب‌لر اوتگن (سه‌شنبه کیچه) نهرسراج تومنی یخچال منطقه‌سیده، بیرعیال‌نی اوغلی دولت ایچیسی بولگنی باعث، اولدیرگن.
هلمند حاکمی سوزلاوچیسی عمر زواک‌نینگ ایتیشیچه، طالب‌لر حجت‌سیز اوشبو عیال‌نی ایکی یاشر باله‌سی بیلن بیرمنطقه‌ده آلیب بارگن و اونی صحرایی محمکه قیلگنی‌دن کیین، باله‌سینی قوییب یوبارگن.
شونینگ‌دیک جناب زواک، مارجه تومنی بیشینچی بلاک منطقه‌سیده طالب‌لر تامانیدن ییرلشتیریلگن ماین پارتله‌شی نتیجه سیده، باشقه بیر عیال اولگنیدن خبر بیره‌دی.
مذکور ولایت انسان حقوقلری کمیسیونی‌نینگ ساحه‌وی بولیمی مسؤولی بلال صدیقی‌نینگ ایتیشیچه، اوشبو قضیه‌لر خصوصیده، تیکشیروولرینی باشله‌گن. جناب صدیقی‌نینگ کوپه‌یتیریشیچه، هیچ بیر اداره، کیشی یا بیر گروه محکمه حکم قیلمس‌دن خلق حضوریده، کیم‌سه‌نی اولدیریش‌گه حقی یوق دیر. او، طالب‌لرنینگ بو عملی‌نی اسلام و اساسی قانون‌گه قرشی‌دیب بیله‌دی.
صدیقی، امنیتی کوچلردن واقعه عامل‌لرینی توتقونگه آلیب و عدلی و قضایی اداره‌لریگه تانیشتیریشی‌نی سوره‌دی.
شونینگ‌دیک، مذکور ولایت مدنی جماعه‌چیلیک باشلیغی سردارمحمد همدرد، طالب‌لرنینگ بو عملی‌نی کیچیریم سیز بیلیب و مسؤول اداره‌لردن بو قضیه‌لرنی جدی صورتده تیکشیریشلرینی تیلگه ایسته‌گن.
عین حالده، طالب‌لر حاضرگچه بو توغریده هیچ نرسه دیمه‌گن.
