بوگون اوزگریش قوزغلانی‌نینگ اعضا و آرقه‌دارلری ینه بیربار ناراضی‌لیک نمایش اوتکزیب، کابل جاده‌لریگه چیقدیلر. مملکت جمهور رییسی، مملکت اجرایی ریاستی باشلیغی، جمهور رییس‌نینگ ملی امنیت مصلحتچی‌سی حنیف اتمر، ملی خوف‌سیزلیک باشلیغی معصوم استانکزی و ایچکی ایشلر وزیری تاج‌محمد جاهد لرنینگ ایشدن آلینیشینی تظاهراتچیلر ایسته‌گی دیب ایتیلگن.
شونینگدیگ، اوزگریش قوزغلانی، تحصن قیلگن ناراضی‌لر اوستیگه اوق اوزگن شخصلرنی تانیب و باشقره‌لاوچیلیک اداره‌سیگه تانیشتیریشینی سوره‌گنلر.
صادر ایتیلگن قطعنامه‌نی اوقیگن احمد نصیر پروانی، ملی بیرلیک حکومتی‌نینگ دیکتاتورلیگی و قانون سیندیریشی افغانستان نظامی‌گه جدی تهدید سنله‌دی دیگن.
اونگه کوره، حکومت رهبرلری مملکت‌نی یخشی شکلده مدیریت قیلالمس‌لیگی و نظام‌نی اورته‌دن ایلتیش آلدی آلنیشی اوچون استعفا بیریشلری لازم.
اوزگریش قوزغلانی جاری ییل جوزا آی‌نینگ 12- سیده چهار شبنه کونی، مملکت‌ده یوز بیرگن پارتلش حادثه‌سینی مهار قیلالمس‌لیکلری اوچون کابلگه تشکیل ایتیلگن.
حاضرگه قدر حکومت اوشبو حرکت‌نینگ اصلی ایسته‌کلریگه جواب بیرمه‌گن.
