.jpg)
بوگون «دوشنبه» مملکت اجرایی باشلیغی عبدالله عبدالله بلخ ولایتی‌ده اوزبیکستان باش‌وزیری عبدالله عارف‌اف بیلن اوچره‌شدی.
جناب عبدالله اوشبو اوچره‌شووگه ایتیشیچه، افغانستان و اوزبیکستان آره‌سیده اقتصادلیک تعاملاتی یخشی اوتگن و «حاضر کیلیشوونامه‌لرنینگ عملی ایتیلیش وقتی کیلگن.»
مملکت اجرایی باشلیغی نینگ ایتیشیچه، مذکور مملکتلر سوداگرلریگه یخشی فرصت یره‌تیلیشی بیلن، ایکی تامان نینگ سوداگرلیک و سرمایه یاتقیزوچی همکارلیک‌لری کوپه‌یشی خصوصیده امیدوار دیر.
او، شونینگدیک کوپه‌یتیریشیچه، گرچند افغانستان نینگ وارداتی کوپ دیر، بیراق افغانستان حکومتی ایکی مملکت نینگ صادرات و وارداتی تینگ بولیشی خصوصیده حرکت قیله‌دی. «بیزلر اوزبیکستانلیک سرمایه یاتقیزوچی‌لرگه زمینه یره‌تیش گه متعهد میز و شونینگدیک اوزبیکستان‌ده افغانستان سوداگرلریگه یخشی زمینه یره‌تیلیشی نی کوته‌میز.»
.jpg)
شونینگدیک مذکور ییغین‌ده اوزبیکستان باش‌وزیری عبدالله عارف‌اف نینگ ایتیشیچه، افغانستان و اوزبیکستان آره‌سیده یخشی سوداگرلیک علاقه بار و اولر اوشبو مملکتلر آره‌سیده‌گی علاقه‌لر کوپه‌یشی نی ایسته‌یدیلر.
اوزبیکستان باش‌وزیری نینگ ایتیشیچه، اوزبیکستان نینگ سرخان ولایتی‌دن پل‌خمری گه برق ییتکزیش 200 کیلومترنی اوزیگه آلیب و 110 میلیون دالر خره‌جت کوتاره‌دی و اوزبیکستان 45 میلیون دالر افغانستان گه تخفیف بیره‌دی.
شونینگدیک اوشبو ییغین‌ده مذکور مملکت‌لرنینگ سوداگرلیک اتاقی نماینده‌لری و اوزبیکستان سوداگرلری قتنشگن ایدی.
