نیویورک تایمز گزارشیگه کوره، قندوز شهری طالبلر قولیگه سقوط ایتگنی، جندالله، حقانی و القاعده ترماغلریدیک گروهلر فعالیتی کوپهیگنی و شونینگدیک افغانستان شرقیده داعش گروهی حضوری باعث، امیریکه جمهور رییسی باراک اوباما، افغانستاندن کوچلرینی چیقاریشگه یورهک اورهدی.
اوشبو کوندهلیکده، قوشمه ایالت ییریک رسمیلرینینگ ایتیشیچه، جناب اوباما، امیریکه کوچلرینی بیر قسمی افغانستانده قالیشی و اوشبو مملکتده امنیت تأمینلنیشی اوچون، افغانستان دولتیگه یاردم بیریش خصوصیده قرار قیلماقچی بولگن.
افغانستانده امنیتی وضعیت یمانلشگنی و کوتیلمهگن حالده قندوز ولایتی طالبلر قولیگه سقوط ایتگنی باعث، امیریکه کنگرهسی بیلن پنتاگون، امیریکه کوچلریدن بیر قسمی افغانستانده قالیشی خصوصیده قرار قیلیشنی ایستهیدی.
نیویورک تایمز کوندهلیگینینگ یازیشیچه، میلادی 2011- ییلدن کیین، طالبلر افغانستاننی کوپینچه منطقهلریده کینگ صورتده نفوذ قیلگن. شونینگدیک القاعده ترماغی افغانستاننی کوپینچه تاغلریده جایلشگن. افغانستان امنیتی کوچلریگه قرشی داعش گروهی تهدیدی کونسایین کوپیماقده؛ اوشبو گروه طالبلردن ناراض بولگن بیرقطار کیشیلرنی جذب ایتیب، افغانستانده ینگی اوروش و توقنهشوولرنی تجربه قیلماقده.
میلادی 2017- ییلدن کیین، افغانستانده قالهدیگن امیریکه کوچلری رقمی حاضرگچه بیللی ایمس دیر؛ بیراق آقسرای، افغانستانده امیریکه کوچلری بیلن ناتونینگ کمیده اوچ حربی قرارگاهسی بولیشی خصوصیده قرار قیلگن و بو قرارگاهلر ایچیدن، عصیانچی گروهلرگه قرشی هوایی هجوملر باشقریلهدی.