افغانستان ملی نورم و استاندارد «انسا» ادارهسی نینگ باشلیغی نقیبالله فایق سلاموطندار ترماغیگه بیرگن صحبتیده، بو ادارهنینگ اوتکزگن تیکشیروولرده گازی اوسکونهلر جمله دن اویلرنی ایسیتیش مقصدیده ایش آلینهدیگن بخاریلر معیاری بولمی حتی ایریم پیتلرده انسانلر حیاتیگه ضامن بولگن دیدی.
عیاری بولمهگن گازی اوسکونهلرنی مملکتگه آلیب کیلینیشینی تنقید آستیگه آلگن مملکت صناعت و تجارت اتاقی نینگ سوزلاووچیسی صیام پسرلی، معیاری بولمهگن تَورلر مملکتگه آلیب کیلینمسلیگی اوچون حکومت بندرلرده جدی نظارت باشلهگن دیگن.
کوپینچه سوداگرلر پاره بیریب صفتسیز اوسکونهلرنی آلیب کیلهدیلر دیگن جناب پسرلی.
اما، صناعت و تجارت وزیرلیگی نینگ سوزلاووچیسی مسافر قوقندی، گازی بخاریلر صفت سیز بولگنلیگی توغریسیده هنوزگچه هیچ بیر شکایت گواهی بولمهگنلیکلرینی بیلدیرگن.
لیکن، مملکت مالیه وزیرلیگی نینگ سوزلاووچیسی اجمل حمید عبدالرحیمزی، بو وزیرلیک مملکتگه صفتسیز تَورلر آلیب کیلینمسلیگی اوچون سعی چاره کورگن لیکلرینی تیلگه آلگن.
خانهدانلرنینگ کته قسمی اویلرینی ایسیتیش اوچون کوپینچه پیتلرده گازی بخاریلرنی ایشلهته دیلر. بو قبیل اوسکونهلرنی ایشلهتیش حتی ایریم پیتلرده کیشی نینگ حیاتیگه هم ضامن بولگن.
اینگ سونگی مورد ده فاریابلیک 4 طلبه کابلدهگی اتاقلردن بیریده گازگه زهرلهنیب حیاتدن کوز یومگن ایدی.