بوگون «چهارشنبه» کابلده مدنی جماعهچیلیک، دولتی و میدیا ادارهلریدن تشکیل ایتیلگن انسان قاچاقیگه قرشی کورهش ترماق رسمی شکلده ایجاد ایتیلدی.
اوشبو ترماق مسؤوللرینینگ ایتیشیچه، اولر انسان قاچاقی گه قرشی کورهش، اوشبو واقعه قربانلرینی سقلش و مملکتدن تشقری و ایچکریده قاچاقچیلرنینگ آلدی آلینیب و قانونی شکلده تیرگاوگه آلینیش بولیملریده فعالیت قیلهدیلر.
مذکور ترماق ایجاد ایتیلیش مراسمیده اجراییه باشلیغی داکتر عبدالله عبدالله نینگ ایتیشیچه، انسان قاچاقی گه قرشی کورهش ترماق ایجاد ایتیلیشی، انسان قاچاقی گه قرشی کورهش خصوصیده، ملی حرکت باشلهنیشی دیر.
جناب عبدالله گه کوره، انسان قاچاقچیلری الداو و قولیلیکلرنی کورسهتیب انسانلرنی الدهش اوچون سعی و حرکت قیلهدیلر.
اجراییه باشلیغینینگ کوپهیتیریشیچه، مذکور ترماقنینگ رهبرلیک اعضاسینی تورلی بولیملرده تجربهسی بار و بو موضوع ترماق مؤفقیتی توغریسیده امیدلرنی کوپهیتیرهدی.
اوشبو ییغینده، عدلیه وزیری و انسان قاچاقیگه قرشی کورهش ترماقنینگ تخنیکی یوکسک کمیسیونی باشلیغی عبدالبصیر انورنینگ ایتیشیچه، اوشبو ترماق 16 دولتی و غیر دولتی اداره دن تشکیل ایتیلگن.
عدلیه وزیری گه کوره، انسان قاچاقی باشقه ناقانونی درآمدلر یانیده، قاچاقچیلرنینگ درآمد منبعی گه اوزگرگن.
باشقه تاماندن، قاچقینلیک خلق ارا مؤسسهسی باشلیغی سارا کریگسنینگ ایتیشیچه، اوشبو ترماق حاضرگچه 1500 ایرکک و عیال گه تعلیمات بیرگن و شونینگدیک، 5 میلیون کیشی انسان قاچاقی توغریسیده معلومات قولگه کیریتگن.
کریگس گه کوره، قطار گروهلر ایران و پاکستان مملکتلریدن قیتیب کیلگن قاچقینلرنی سوء استعمال قیلیب و قاچاق قیلیش اوچون سعی و حرکت قیلهدیلر و بو ترماق انسان قاچاقی آلدی آلینیشی و قربانلرنی سقلش و اولرگه دادخواهلیک قیلیش بولیملریده فعالیت قیلهدی.
شونینگدیک، افغانستان بوییچه امریکا ایلچیسی جان بس نینگ ایتیشیچه، افغانستان انسان قاچاقینینگ ترانزیت ییری بولگن. اونینگ کوپهیتیریشیچه، مملکتی بو ترماق دن حمایت قیلهدی.