گزارشلرگه کوره، پاریسن جرمن سابق ترینری لوران بلان، حاضرگه قدر سویا، ریال بتیس و لاس‌پالماس کبی 3 مهم کلوب پیشنهادینی بارسلونا ترینرینی آلیش اوچون رد قیلگن.
اوتگن یاز فصلیده جناب بلان پاریسن جرمن ترینرلیگینی ترک ایتدی و حاضرگه قدر هیچ بیر تیم ترینرلیگینی قبول قیلمه‌گن.
شو سونگی فصلده بارسلونا تیمی‌نینگ ترینری لوییس انریکه کیلگوسی ییل بارساگه ترینرلی قیلمی من دیب اعلام قیلدی و شوندن سونگ بارسلونا ینگی ترینر ایزیدن توشگن.
جناب لوران بلان دن آلدین، رونالد کومان، پوچتینو و انریکه نینگ یاردمچیسی بارسلونا ینگی ترینری اوچون ایتیلگن ایدیلر.
لوران بلان، 1965-ییل 19 نوامبرده توغیلگن و شوحاضر 51 یاشده.
بلان فرانسه نینگ ملی تیمی سابق اعضاسی ایدی. او 1998-ییل خلق ارا جامیده و 2000 ده اروپا جامیده فرانسه نینگ تانیقلی اوینچی‌لریدن ایدی که اونینگ تینگ‌سیز دفاع قیلیشلری اوچون کوپلب اوزیگه هواخوا تاپگن ایدی و اونی رییس دیب چقیرردیلر.
2008 دن لوران بلان بوردو تیمی‌نینگ ترینری ایتیب تعینلندی، 2010 ده ایسه فرانسه ملی تیمی ترینری و اوندن کیین 2013 ده پاریسن جرمن تیمی ترینری بولیب تعین ایتیلدی.
