ننگرهار ولایتی گه سفر قیلگن ایچکی ایشلر وزیرلیگی‌نی سرپرستی مسعود اندرابی نینگ ایتیشیچه، داعش گروهی ننگرهارده مغلوبیت گه اوچره‌گندن سونگ، باشقه ولایت‌لرگه باریش اوچون سعی و حرکت قیلماقده، بیراق اولر بو گروه نی نابود قیلیش اوچون ییترلیچه چاره تدبیر کورگن.
اونینگ ایتیشیچه، ننگرهارده داعش گروهی مغلوبیت گه اوچره‌گنیده امنیتی کوچلرنینگ یانیده ننگرهار یشاوچیلری هم تأثیرچن رول اوینه‌گن.
جناب اندرابی گه کوره، داعش گروهی نینگ اینگ اونملی قرارگاهی ننگرهارده ایدی و بو ییرده مغلوبیت گه اوچره‌دی، بیراق حاضر باشقه ولایت‌لرگه بارگن و او ییرلرده هم مغلوب ایتیله‌دی.
ایچکی ایشلر وزیرلیگی سرپرستی نینگ ایتیشیچه، طالبان گروهی نینگ الفتح عملیاتی امنیتی کوچلرنینگ عملیاتی و طالبان گروهی نینگ آره‌سیده بولگن قره‌مه قرشی‌لیک‌لر باعث، مغلوبیت گه اوچره‌گن.
جناب اندرابی نینگ کوپه‌یتیریشیچه، پولیس کوچلری نینگ وضعیتی یخشی بولیشی اوچون 5 ییل‌لیک بیر ریجه ایجاد ایتیلگن.
شونینگدیک، اوشبو مراسم‌ده ننگرهار حاکمی شاه‌محمود میاخیل، منظم بیر امنیتی برنامه ایجاد ایتیلگنیدن خبر بیریب ایتیشیچه، اوشبو برنامه دن مقصد، بو ولایتده دولت گه قرشی قوراللی عصیانچیلرنینگ جنایت‌لرینی آلدی آلینیشی دیگن.
