امیریکه‌نی کالیفرنیا ایالتی سن‌برناردوی امنیتی رسمی‌لری‌نینگ ایتیشیچه، بیر ساغلیک مرکزیده یوزبیرگن آتیشمه نتیجه‌سیده، 14 کیشی هلاک بولیب و باشقه 17 کیشی یره‌لنگن.
سیدرضوان فاروق و تشفین مالک ناملی هجومچیلر پولیس کوچلری بیلن توقنشگنی‌دن کیین، واقعه محلی‌دن قاچیش گه قصد قیلگن، بیراق پولیس آرقه‌لی آیاق‌دن ییقیتیلگن. سن‌برناردو پولیس قومندانی هجومچیلر اولیمی‌نی تأیید قیلیب، اوشبو واقعه توغری‌سیده باشقه بیر کیشی توتقونگه آلینگنی‌دن خبر بیریب و ایتیشیچه، حاضرگه قدر توتقونگه آلینگن کیشی‌نینگ، یوزبیرگن هجوم‌گه قولی بارلیگی اثباتلنمه‌گن.
ایتیلیشیچه، سیدرضوان فاروق، سن‌برناردو ساغلیک مرکزی ایشچیسی ایکن، آتیشمه‌دن تورت ساعت آلدین، ایش اورنی‌نی ایچیق‌لنیب ترک ایتگن.
عین حالده، لس‌آنجلس اسلامی علاقه‌لر کینگشی بیر خبری ییغینده، ساغلیک مرکزی‌گه اویوشتیریلگن هجوم‌نی قتیق قاره‌لگن. اوشبو ییغینده هجومچیلرنینگ قرینداشلریدن بیری هم اشتراک ایتگن ایکن.
ایتیش لازم، میلادی 2012 نچی ییل «سندی هوک» مکتبی‌ده یوزبیرگن قانلی هجوم‌دن کیین، بو امیریکه یشاوچیلری اوچون، ایکینچی قانلی هجوم سنله‌دی.
