اوتگن جمعه کونی هلمند والیسی میرزاخان رحیمی‌نینگ بیرخبری ییغینده ایتیشیچه، اوچ کون آلدین امنیتی کوچلر ایریم پوسته‌لردن تاکتیکی کیین کیتر قیلگن ایدیلر. بوکوچلر کندهار امنیه قومندانی جنرال رازق رهبرلیگی بیلن نوزاد تومنیده اویوشتیریلگن عملیات نتیجه‌سیده مذکور تومننی قیته‌دن آلیشگه موفق بولگن‌لر.
هلمند والیسی‌نینگ کوپه‌یتیریشیچه، اویوشتیریلگن عملیاتده یوز طالب اولیب یره‌لنگن. بیراق حاضرگه قدر اولیب یره‌لنگن سانی انیق ایمس. جناب رحیمی‌گه کوره، بو عملیاتده اولکه امنیتی کوچلریدن هم 15 کیشی هلاک بولگن.
جناب رحیمی مذکور تومن امنیتی اوچون تازه نفس کوچلردن یوباریلگن و هلمند ولایتی‌نینگ شمالی تومنلریده هم یوکسک عملیات اویوشتیریلگن لیگی‌نی بیلدیره‌دی.
بیراق طالب‌لر سوزلاوچیسی قاری یوسف احمدی دولت تامانیدن طالب‌لرگه ییتکیزیلگن تلفاتنی یلغان بیلیب کوپه‌یتیریشیچه، حاضرهم نوزاد تومنی مذکور گروه اختیاریگه و بوتومن آز منطقه‌سی امنیتی کوچلر تصروفیگه ایکن.
ایکی کون آلدین هلمند نوزاد تومنی، طالب‌لر بیلن امنیتی کوچلر ارا اوچ کون آغیر توقنه شوو اوتکزیلیشی بیلن، بوگروه قولیگه توشگن ایدی و گزارشلر اساسیده بو توقنه شووده 4 پولیس و 8 کیشی اردو کوچلریدن هلاک بولگن ایدی. نامی فاش بولیشینی ایسته مه‌گن پولیس باشلیغ‌لریدن بیری‌نینگ ایتیشیچه، بو تومن 11 پوسته‌سیدن امنیتی کوچلر تامانیدن تاکتیکی سیلجیش بولگن ایدی.
