فاریاب ولایتیدن آتی فاش ایتیلیشی‌نی ایستمه‌گن ایشانچ‌لی امنیتی بیر منبع نینگ سلام‌وطندارگه ایتیشیچه، حربی کوچلرنینگ آلتینچی کندکی حکومت بویروغ بیلن فاریاب ولایتی‌نینگ غورماچ تومنی‌نی ترک قیلگن، بیراق میمنه شهری گه قیته‌یاتگن چاغیده، قیصار تومنی‌نینگ چیچکه‌توی منطقه‌سیده تورت تاماندن طالب‌لرنینگ قمراویده قالگن.
منبع نینگ کوپه‌یتیریشیچه، جنگری طالب‌لر تاش آرقه‌لی جاده‌نی امنیتی کوچلرنینگ یوزیگه باغله‌گن و ایکی تامان آره‌سیده یوز بیرگن آتیشمه‌ده امنیتی کوچلردن 10 دن آرتیق عسکر هلاک و یره‌لنگن و شونینگدیک، حربی کوچلرنینگ نیچه هاموی تانکی طالب‌لرنینگ قولی گه توشگن. منبع نینگ ایتیشیچه، بو آتیشمه‌ده طالبان گروهی هم آغیر قربانلیک بیرگن.
مملکت شمالی‌ده 209 شاهین قول اردو قومندانلیگی‌نی مطبوعات دفتری‌نینگ ایتیشیچه، قوراللی طالب‌لرنینگ قولی‌گه توشگن بیر تانک و توپ دیسی حربی کوچلرنینگ اوچاقلری آرقه‌لی نابود ایتیلگن و بونگه قوشیمچه، 24 دن آرتیق جنگری طالب هلاک و یره‌لنگن.
شونده‌ی بیرحالده، اوتگن کون 209 شاهین قول اردو قومندانلیگی و فاریاب امنیتی مسؤوللری میدیالرنی حضوریده، 24 ساعت جریانیده حربی کوچلر غورماچ تومنیدن چیقیشی‌نی ایتگن ایدی.
