د ولسي جرګې یوشمېر غړیو د دې جرګې په نننۍ عمومي غونډه کې وویل، که څه د امنیتي او دفاعي ځواکونو کورنۍ پیسو ته جدي اړتیا لري، خو له ډېرې مودې راهیسې د یوشمېر سرتېرو معاشونه ورکړل شوي نهدي.
په همدې حال کې د ولسي جرګې رییس عبدالرووف ابراهیمي وايي، امنیتي او دفاعي ځواکونو ته د معاش نهورکول، هېڅ ډول قانوني توجیه نهلري او حکومت یې باید ژرترژره ورکړي.
بلخوا د ولسي جرګې یوشمېر نور غړي د ولسمشر پر وروستیو څرګندونو چې ویلي یې دي، د طالبانو په وژل کېدو یې زړه ماتېږي، نیوکه کوي او وايي دا ډوال څرګندونې د امنیتي ځواکونو روحیه کمزورې کوي.
دا لومړی ځل نهدی چې امنیتي ځواکونه د معاش نهورکولو او د جګړې په ډګر کې ورته د خوراکي توکو او مهماتو نهرسولو په اړه شکایت کوي. د حکومتي مسوولانو ځواب هم هر ځل دا و چې ژرترژره به یې ستونزې حل کړي.
