.jpg)
امریکا جمهوریتچی حزبی نینگ نامزدی دونالد ترامپ آخرگه کیلیب سیاسی رقیبی بولمیش هیلاری کلینتون دن آلغه باریب امریکا جمهور رییس لیک لوازمیگه ییتدی. اونینگ افغانستان توغریسیدهگی سیاستلری بارهسیده افغانستانلیک هر بیر کیشی نینگ ذهنیده تورلی سواللر بار. اما، سیاسی تحلیلچیلر امریکا تشقی سیاستلریده معین و اوزاق مدتلیک لایحه گه ایگه دیدیلر. ینگی جمهور رییس وجودگه کیلیشی بیلن بو دولت سیاسیتی گه اوزگریش کیلمیدی دیدی سیاستچیلر.
خلق ارا و سیاسی ایش بیلرمانلر ترامپ امریکا جمهور رییسی صفتیده تنلگن لیگیگه عکسالمعل بیلدیریب و بو سیلاولر اثرلری افغانستان وضعیتی بارهسیده ایتیشلریچه، امریکاده کیشی ایمس بلکه تیزیم سیاستنی تعیین ایتهدی دیگنلر.
نماینده لر مجلسی نینگ خلق ارا علاقه لر کمیسیون اعضاسی قیوم سجادی نینگ سلام وطندارگه ایتیشیچه، امریکا حکومتی نینگ تشقی سیاستی اینیقسه افغانستان حکومتی بیلن بولگن سیاستی ینگی بیر جمهور رییس کیلیشی بیلن توبدن اوزگریشی امکان سیز. او، ترامپ نینگ مسلمانلر توغریسیده گپیریشیچه، امریکا و اسلام دنیاسیدهگی قرمه قرشیلیکلر کمیشی ممکن.
باشقه بیر تحلیلچی فردوس کاوش نینگ سوزلریگه کوره، افغانستان امنیتی نقطه نظردن دایم امریکاه اوچون اهمیتلی مساله بولیب کیلگن و بو مملکت ایسه هر بیر زمان افغانستاندهگی حربیلری قیسقرتیریلیشی ینه کومکلری میزانی آزیشی امکان دن ییراق. اونینگ تاکیدلب ایتیشیچه: « امریکانینگ افغانستان حکومتی توغریسیدهگی سیاستی گه اوزگریش کیلگن حالده، طالبلر اوچون میدان کینگ بولیشی ممکن»
شونینگدیک ملی بیرلیک حکومتی نینگ باشلیغلری ترامپ امریکا جمهور رییسی صفتیده تعیین لنگن لیگی دنیا بولیب ترورچیلیککه و اقتصاد مسالهسی قرشی کورهش اوچون ینگی بیر آدیم دیگنلر.
شو کبی امریکا سیلاولری نتیجه سی توغریسیده عکسالعمل بیلدیرگن طالبان حرکتی ترامپ دن بوتون حربیلرینی افغانستاندن آلیب چیقیشنی سورهگنلر.
آخرگه کیلیب بوگون (چهارشنبه) جمهوریتچی حزبی نینگ نامزدی دونالد ترامپ امریکا جمهور رییسی صفتیده سیلندی. او، 278 (الکترال) آوازینی قولگه کیریتیش بیلن اقش نینگ 45- جمهور رییسی حیثیده آق اویگه یول تاپدی.