فرانسه تېره ورځ د ولسمشريزو ټاکنو شاهده وه، چې ډېرو خلکو منځ لاري امانویل مکرون او د ښيخوا ملي جبهې نوماندې مارین لوپن ته د رایو د ورکولو په پار صندوقونو ته ورغلل.
فرانسه د لومړي ځل لهپاره ولسمشریزو ټاکنو ته د داسې نوماندانو شاهده وه، چې یو هم په بانفوسو ګوندونو پورې تړاو نه لرلو، چې په پایله کې یې د فرانسې پخوانی پانګهوال امانویل مکرون د ۶۰ سلنو رایو په وړلو سره د فرانسې ولسمشر شو.
د امانویل بریالي کېدل د نړۍ د ډېرو هېوادونو له هرکلي سره مخ شول.
۳۹ کلن امانویل مکرون د ولسمشریزو ټاکنو په ګټلو سره د فرانسې تر ټولو ځوان ولسمشر شو او د بناپارت ریکارډ یې مات کړ.
د فرانسې له انقلابه وروسته په ۱۸۴۸ کال کې د ناپلیون بناپارت وراره لوی ناپلیون د ۴۰ کلنۍ په عمر د فرانسې تر ټولو ځوان ولسمشر شوی و.
