الجزایرده بوفارق هوا قونلغه‌سی یقینیده بیر اوچاق قوله‌گنی باعث، 257 کیشی هلاک بولگن و اولردن 200 ته‌سی حربی دییله‌دی.
حکومت رسمی‌لری‌نینگ ایتیشیچه، مذکور اوچاق هوا قونلغه‌سیدن کوتاریلگنیدن سونگ، قوله‌گن و قوله‌ش سببی حاضرگچه بیللی بولمه‌گن.
اوشبو اوچاق قوله‌گنیدن سونگ، حادثه محلی گه ییتیب کیلگن 14 آمبولانس یره‌لنگن‌لرنی کسلخانه‌گه ییتکیزگن.
محلی میدیالردن بیرقطاری‌نینگ گزارش بیریشیچه، مذکور اوچاق یولاوچیلریدن بیرقطاری پولیساریا ایرکین جبهه‌سیدن ایکن. پولیساریا ایرکین جبهه‌سی، سیاسی و حربی بیر تشکیلات بولیب اوزاق زماندن بویان ایرکین‌لیک اوچون کوره‌شه‌دیلر.
مذکور اوچاق الجزایر جنوب‌غربی‌ده جایلشگن بشار شهری مقصدیده اوچگنی ایتیلگن.
بو واقعه میلادی 2003- ییل‌ده قوله‌گن اوچاق نتیجه‌سیده 102 کیشی هلاک بولگن واقعه‌دن سونگ، اینگ قانلی واقعه سنله‌دی.
