ټاکل شوې ده، چې  د افغانستان ۱۹ کلنه کرکټ ملي لوبډله له هندوستان او بنګله دېش ۱۹ کلنو کرکټ ملي لوبډلو سره په درې اړخیزه ټورنمنټ کې ولوبېږي.

دغه سیالۍ د روانې نومبر میاشتې په ۲۰ مه نیټه د ۱۰ ورځو له پاره د هندوستان په کلکته ښار کې پېلیږي.

دا به لومړې ځل وي، چې د افغانستان ۱۹ کلنه کرکټ ملي لوبډله په داسې درې اړخیزه ټورنامنټ کې له بشپړو غړیتوب لرونکو لوبډلو سره په هندوستان کې لوبیږي.

د سیالیو موخه د بنګله دېش په کوربتوب ۲۰۱۶ م کال ۱۹ کلنو پنځوس اوریزه کرکټ نړیوال جام سیالیو ته تیاری ښودل شوی.

ټاکل شوې ده، چې د نولس کلنو کرکټ نړیوال جام سیالۍ دا ځل راتلونکې کال د بنګله دېش په کوربتوب ترسره شي.

د یادونې وړ ده، چې دا سر په سر څلورم ځل دی، چې د افغانستان ۱۹ کلنه کرکټ ملي لوبډله په نولس کلنو کرکټ نړیوال جام سیالیو کې ګډون کوي.

له دې وړاندې افغانستان په ۲۰۱۰ م ز کال لومړي ګډون کې ترټولو وروستی ۱۶ م ، ۲۰۱۲ م کال کی ۱۰ م او تیرکال بیا بهترینه ۷ م مقام ترلاسه کړي وو.

که څه هم سیالیو ته یواځې ۱۲ ورځې پاتې دي، خو افغان کرکټ بورډ نه هم تراوسه د سیالیو په اړه کوم خبر ورکړی او نه یې ورته د لوبډلې اعلان او نه هم تمرینات پیل کړي.

دهندوستان کرکټ بورډ ویلي، چې دغه دری اړخیزه ټورنامنټ ته یې خپله لومړنۍ ۲۰ کسیزه لوبډله اعلان کړې ده.

ټاکل شوې ده د سویلي افریقې کرکټ ملي لوبډله به دا ځل په ۱۱ م پړاو نولس کلنو پنځوس اوریزه کرکټ نړیوال جام سیالیو کې د خپلې اتلولۍ څخه دفاع کوي.

سویلې افریقې تیرکال د عربي اماراتو په کوربتوب په فاینل لوبه کې پاکستان ته په ماتې ورکولو سره د خپل کرکټ تاریخ لومړۍ ستره اتلولي وګټله.

د نولس کلنو په کرکټ نړیوال جام د اسټرالیا اوهندوستان واکمني ده، چې درې درې ځلې یې د اتلولۍ جامونه ګټلي دي.