سلام‌وطندار ایرکین میدیا حیثیده، تنقیدی اورگنیش‌لردن چیکلنمه‌یدی. قوییده‌گی متن یازووچی‌نینگ فکری بولگن و سلام‌وطندار بو باره‌ده طرف‌سیز
موسیقه حددن تشقری ایشلب چیقاریلگن صورتده، هنری خاصیتی‌نی قولدن بیریب و قیمت‌سیز نرسه‌گه اوزگره‌دی. افغانستان موسیقه‌سی هیچ بیر دورده اوتگن 11 ییل‌دیک کیفیت‌سیز، قیمت‌سیز و صنعتی ارزشلرینی قولدن بیرمه‌گن.
حکایه باشله‌نیشی بیلن کمیده 10 ییل آلدین خصوصی تلویزیون‌لردن بیری کابل‌ده موسیقه توغری‌سیده یاشلر استعدادینی تاپیش اوچون بیر دستور یولگه قویدی. «افغان یولدوزی»؛ اوشبو دستور بریتانیا و هندده‌گی موجود دستورلردیک قوریلدی. بیرینچی ییل‌لرده اوروش و طالب‌لردن قوتیلگن کیشی‌لر، اوشبو دستورنی خوش قرشی‌لگن‌لر. بیراق اوشه ییل‌لرده قطار کیشی‌لر، مذکور دستور افغانستان‌ده موسیقه سبکی‌نی قییرلرده تارته‌دی و افغانستان موسیقه اوستیگه نیمه بلالر کیلتیریشی توغری‌سیده اویلردی.
افغان یولدوزی‌نینگ، فعالیت‌لریدن 11 ییل اوتگنی‌دن کیین، ینگی سوراق توغیله‌دی کیم، اوشبو دستور نیمه ایشلر قیلگن و افغانستان موسیقه‌سی‌گه قنده‌ی یوتوقلر قوشگن؟
اوشبو دستور اشتراک‌چی‌لریدن کوپینچه‌سی یاشلر دیر و هر ییل یاشلردن 10 الی 15 کیشی مملکت قوشیقچی‌لری‌نینگ رویخطیگه کوپه‌یتیریله‌دی. افغان یولدوزی نه فقط قوشیقچی‌لیک لایحه‌سینی اساسی و حرفه‌یی شکلده اوتکزمه‌گن، بلکیم اوتگن 11 ییل‌ده حقیقی قوشیقچی ایشلب چیقاره‌آلمه‌گن؛ یالغیز کیفیت‌سیز قوشیقچی‌لر میزانی‌نینگ مملکت موسیقه بازاریده کوپه‌یتیریب و اونی قولگه آلماقچی بولگن.
موسیقه صنعتی‌دن بیر آز خبردار بولگن کیشی‌لر، اوشبو دستورگه قتنشه‌آله‌دی. بیراق دستور یکونلنگونگه‌قدر موسیقه‌چی سوادی و صنعتی‌گه هیچ قنده‌ی اوزگریش کیلتیریلمه‌یدی و اوزگریش کیریتیلگن‌ده هم، یالغیز کیینیشی‌گه کورینه‌دی. قطار کیشی‌لرگه کوره، اوشبو دستور استعدادلی یاشلرنی موسیقه بازاریگه تانیشتیرگن؛ تأسف اولرنینگ سانی قول برماغی‌گه هم ییتیشمه‌یدی.
افغان یولدوزی قوشیقچی‌لیک توشینچه‌سینی خلق فکری‌گه اوزگرتیردی. تیارلنگن ویدیو کلیپ‌لر، و پاپ موسیقه‌سی میدیالر و خلق دقتی‌نی مذکور یاشلر خصوصیده جلب ایتگن و آز پیت‌ده خلق اورته‌سیده شهرت قازانگن. اطراف‌لریمیزگه قره‌سک توشینیب بیله‌میز. اوشبو موسیقه‌لر تاکسی، کوچه و بازارلرده ایشیتیله‌دی و شونینگ‌دیک، توی مراسم‌لریده هم اوقیله‌دی. اولردن کته قسمی‌نی کیفیت‌سیز ترانه‌لر، موسیقه‌لر و کلیپ‌لر تشکیل بیره‌دی. البته بو قیین‌چیلیک‌لرنی یالغیز «افغان یولدوزی» دستوری‌گه نسبت بیریب بولمه‌یدی، بیراق اوشبو دستور شونده‌ی بیر وضعیت اورته‌گه چیقیشی خصوصیده، تأثیرچین رول اوینه‌گن.
«افغان یولدوزی» دستوری یکونلنگنی‌دن بیر آز مدت اوتگنی‌دن کیین، مملکت یاش قوشیقچی‌لریدن بیرقطاری، دایما صحنه‌دن چیقیب کیته‌دی و هیچ قچان هم نام و نشانی کورینمه‌یدی. شونینگ‌دیک، ایش قیله‌دیگن کیشی‌لرهم چیگل‌لیک‌لرگه چالینیب و برچه ایشلرینی نیچه اویینچی و گل و بلبل ترانه‌لری بیلن شکل بیره‌دی، مثال صورتده، «سلام عزیز دلم، در چمنت بلبلم‌نی» اوقیدیلر.
عین حالده، اوشبو کیفیت‌سیز و بی معنی ترانه‌لر، میدیالر تامانیدن حمایه ایتیله‌دی. کونده سیسلی و تصویری میدیالردن تکرار صورتده نشر ایتیله‌دی و خلق فکری‌گه بوندن آرتیق صنعتی موسیقه یوقلیگی‌نی منسجم‌لشتیره‌دی. اوشبو چیگل‌لیک‌لر ایشیتووچیلرنی هم تأثیر آستیگه آلیب و اولرنی هم قیین‌چیلیک‌که دوچ کیلتیرگن. دیمک اولر هم موسیقه بازاریده کیریش آرزوسیده بولگن.
اوتمیش‌لرده مملکت بویلب قطار یخشی و استعدالی موسیقه‌چیلر موجود ایدی؛ بیراق زمان اوتیشی بیلن بازاری قوشیقچی‌لرگه اوزگریب کوزدن توشگن. «افغان یولدوزی» اصیل موسیقه اولیمی‌گه سبب بولیب و خلق فکرینی صنعتی ایش‌گه اوزگرتیرگن. اوشبو قوشیق‌لردن کوپینچه‌سی گل و بلبل بیلن تشکیل ایتیله‌دی و خلق ایشیتیشی‌دن لذت‌لنه‌دی. اوشبو دستور دوام ایتگن صورتده، مملکت موسیقه صنعتی‌گه جدی شکلده زیان ییتکیزه‌دی.
کیم‌سه اوزیدن سوره‌مه‌یدی کیم، نیمه اوچون 50- و 60- دهه‌لر موسیقه‌سی موجود قیین‌چیلیک‌لر و کم‌چیلیک‌لر بیلن حاضرگی موسیقه‌دن کوره معنی‌لی و ارزشلی ایدی و حاضرگی موسیقه نیمه اوچون بونده‌ی وضعیت‌گه قالگن؟
