بوگون «سه‌شنبه» «ساغلیک بوییچه خصوصی بولیم استراتیژیکی پلانی و خصوصی بولیم‌گه جواز بیریش» نامی‌ده یولگه قوییلگن ییغینده ساغلیق‌نی سقلش وزیرلیگی مسؤوللری نینگ ایتیشیچه، مملکت‌ده خصوصی کسلخانه‌لر قنچه‌لیک ترقی قیلگنده، اوشنچه چیت‌ایل مملکت‌لرگه کیته‌دیگن کسل‌لرنینگ رقمی کم بوله‌دی.
اولرگه کوره، خصوصی بولیم‌لر بیلن دولتی بولیم همکارلیگی، ساغلیک خذمت‌لری یخشی‌لنیشی و کسل‌لرنینگ نیازلری رفع ایتیلیشی گه سبب بوله‌دی.
ساغلیق‌نی سقلش وزیرلیگی نینگ پلان و پالیسی اداره‌سی باشلیغی عبدالقدیر قدیرجان نینگ ایتیشیچه، سونگی کونلرده قولگه کیریتیلگن معلومات اساسیده، افغانستان یشاوچیلریدن 60% خصوصی کسلخانه‌لرگه مراجعت قیلیشی بیلگی‌لنگن.
ساغلیق‌نی سقلش وزیری فیروزالدین فیروزنینگ ایتیشیچه، خصوصی کسلخانه‌لرنینگ دارولش خذمت‌لریدن کوپینچه‌سی ساغلیق‌نی سقلش وزیرلیگی تامانیدن یشاوچیلرگه ییتکیزیلمه‌گن خذمت‌لر بولگن.
ساغلیق‌نی سقلش وزیرلیگی تامانیدن بیریلگن رقم اساسیده، اوتگن ییل‌لر جریانیده چیت‌ایل مملکت‌لرده دارولش خرجت‌لری 250 دن 270 میلیون دالرگه‌قدر بولر ایکن و سونگی ییل‌لرده ساغلیک خصوصیده، خصوصی بولیم فعالیتی کوپه‌یگنی باعث، بو رقم 60-70 میلیون دالر کمه‌یگن.
