افغانستان تشقی ایشلر وزیرلیگی‌نینگ سوزلاوچیسی‌نی اورین باسری صبغت‌الله احمدی‌نینگ ایتیشیچه، مملکت تشقی ایشلر وزیری صلاح‌الدین ربانی، پاکستان‌لیک همکبی بیلن اوچره‌شگنیده افغانستان-پاکستان و چین‌نینگ اوچ تامانلمه ییغینی یولگه قوییلیشی اوستیگه کیلیشگن، بیراق حاضرگه‌قدر مذکور ییغین‌نی یولگه قوییلیش زمانی دقیق شکلده معلوم بولمه‌گن.
جناب احمدی گه کوره، بو اوچره‌شووده اوچ تامانلمه ییغین و افغانستان و پاکستان دین عالم‌لری‌نینگ ییغینی یانیده، امنیتی، عصیانچیلرگه قرشی کوره‌ش، پاکستاندن افغانستان مهاجرلری تدریجی شکلده قیتیشی، ایکی مملکت آره‌سیده اقتصادی همکارلیک‌لر، تینچلیک و طالب‌لرنی مذاکره میزی اوستیگه حاضر قیلیش مسئله‌لری اوستیگه کیلیشیلگن.
تشقی ایشلر وزیرلیگی سوزلاوچیسی اورین باسری‌نینگ کوپه‌یتیریشیچه، پاکستان حکومتی‌نینگ ینگی رهبرلیگی ایکی تامانلمه همکارلیک‌لر و افغانستانده تینچلیک تأمین‌لنیشی گه علاقه‌سی بار.
پاکستان حکومتی‌نینگ رهبرلیگی عمران خان‌نینگ قولی گه توشگنیدن سونگ، پاکستان تشقی ایشلر وزیری مخدوم شاه‌محمود قریشی، کابل‌گه سفر قیلیب و افغانستان رهبرلری بیلن اوچره‌شدی.
