افغانستان و بنگله‌دیش ملی تیرمه جماعه‌لری اورته سیده گی فوتبال اویینی سه‌شنبه کونی کیچ قورونده، بیر- بیر نتیجه‌سی بیلن یکونلندی.
اوشبو بیله‌شوو بنگله‌دیش داکه ملی میدانیده اوتکزیلدی.
بنگله‌دیش ملی تیرمه جماعه‌سی، بیله‌شوو بیرینچی میدان تورتینچی دقیقه سیده بیر گول اوریشی بیلن افغانستان ایشیگینی آچدی.
دیمک افغانستان اویینچی‌لری حریف‌گه قرشی جزملی هجوملر اویوشتیردی، بیراق بیرینچی میدان بنگله‌دیش نفعی‌گه تمام بولدی.
افغانستان ملی تیمی‌نینگ ترکیبی‌ده، فردین کوهستانی ایشیک‌چی صفتی‌ده، کنشکا طاهر، جلال‌الدین شریعت‌یار، ضمیر داوودی و سباوون قیومی‌لر مدافع صفتی‌ده، آرش هاتفی و آباسین علی‌خیل مدافع یاردمچی‌لری، سنجر احمدی، شبیر یوسفی و مدثر ذکریا یاردمچی صفتی‌ده و فیصل شایسته هجومچی صفتی‌ده حضور تاپگنلر.
باشقروچیلربولیمی ناملی بیله‌‍شوونی ایکینچی یریمیده، افغانستان ملی تیرمه جماعه‌سی حریف‌گه قرشی آلدین دن کوره گول اوروش اوچون هجومی‌گه آرتیردی.
عین حالده، افغانستان اویینچی‌لری بیله‌شوو سونگی دقیقه‌لریده گول اوروشی بیلن، اوییننی بیر- بیر یکونلنتیردیلر.
عصمت شینواری، بیله‌شوو ایکینچی یریمیده میدان‌گه کیلیب، «18- خط » ایچیدن شوت آرقه‌لی حریف ایشیگی‌گه گول اوردی و بیله‌شوو مساوی بولیب یکونلنتیریلدی.
بیله‌شوو جریانیده یامغیر یاغیشی باعث افغانستان اویینچی‌لری یخشی صورت‌ده اوینه آلمه‌گن و شونینگ‌دیک بو اوییچی‌لر بیله‌شوو داوری‌نینگ باشقروی توغری‌سیده شکایت قیلگن.
مملکت تیرمه جماعه‌سی تورت کون آلدین باشقه بیله‌شووده 2-0 نتیجه‌سی بیلن لاووس تیرمه جماعه‌سینی باسیب اوتکن ایدی.
بو افغانستان‌نینگ بنگله‌دیش برابریده اوچینچی اویینی ایدی، مساوی‌لیک‌ده یکونلنه‌دی.