.jpg)
د افغانستان فوټبال ملي لوبډله نن په یوه نړیواله دوستانه سیالۍ کې د سنګاپور فوټبال ملي لوبډلې سره د لوبې ډګر ته وځي.
د دواړو لوبډلو ترمنځ په نننۍ دوستانه فوټبال سیالۍ د قطر هېواد په پلازمینه دوحه کی د افغانستان په وخت د شپې ۸ نیمې بجې ترسره شي.
د افغانستان فوټبال فدراسیون د معلوماتو له مخی، د افغانستان اوسنګاپور فوټبال ملي لوبډلو ترمنځ نننۍ سیالۍ به د دوحې په احمد بن علي نړیوال فوټبال لوبغالي کې ترسره شي، چی د ۲۵ زرو نندارچیانو د ناستي ځای لري.
دا دریم ځل دی، افغان فوټبال ملي لوبډله له سنګاپورۍ فوټبال ملي لوبډلې سره د سیالۍ ډګر ته وځي.
افغان فوټبال ملي لوبدله له تېری یوې اونۍ راهیسې په قطر کې د نوي ګومارل شوي روزونکي اوتو فیستر په روزنه کې په تمریناتو بوخته ده.
.jpg)
د افغانستان فوټبال ملي لوبډلې منېجر علي عسکرلعلي سلام وطندار ته ویلي، د سنګاپور خلاف د نننۍ سیالۍ او د یوې اوونۍ تمریناتو موخه راتلونکې اوونۍ د ویتنام خلاف مهمې فوټبال سیالۍ ته ښه چمتووالی دی.
د افغانستان فوټبال ملي لوبډله سبا له قطره د ویتنام فوټبال ملي لوبډلې خلاف د ۲۰۱۹ کال اسیایي فوټبال جام درېیم پړاو لومړۍ ټاکنیزې سیالۍ ترسره کولو لهپاره د تاجکستان ته ولاړه شي.
د افغانستان او ویتنام فوټبال ملي لوبډلو ترمنځ به د اسیا فوټبال جام ټاکنیزه (تګ) پړاو لوبه، به د مارچ په ۲۸نېټه د افغانستان په کوربتوب د تاجکستان په پلازمینه دوشنبه کې ترسره شي.
افغانستان او سنګاپور داسې حال کې د دوستانه سیالۍ لهپاره میدان ته وځي، چې افغانستان د فوټبال نړیوالې شورا په نوې اعلان شوې درجه بندۍ کې ۱۵۶ خو سنګاپور بیا ۱۶۳ مقام کې ځای لري؛ د ویتنام لوبډله بیا د افغانستان خلاف د روانې میاشتې سیالۍ لهپاره له فیفا سره په ۱۳۶ مقام کې اعلان شوې ده.
