افغانستان ملی کریکت تیرمه جماعه‌سی‌نینگ، زیمبابوه برابریده یوتوققه ایریشگنی باعث، افغانستان ینه بیر آدیم خلق ارا اون یخشی تیم‌گه یقین‌لشدی.
زیمبابوه برابریده افغانستان کریکت تیرمه جماعه‌سی یوتوقلیگی، افغانستان کریکت تیمی امتیازی‌نی 41 دن 25 گه ییتیشتیردی و حاضر خلق ارا اون یخشی تیمی‌دن بیری زیمبابوه‌گه قره‌گنده، یالغیز بیر امتیاز فرق قیله‌دی.
افغانستان، خلق ارا اون یخشی تیرمه جماعه توپله‌میگه قرار تاپیش اوچون، دستلب ایرلند کریکت تیرمه جماعه‌سینی شکست بیریشی لازم. ایرلند 15 اویین‌ده 46 امتیاز قولگه کیریتگن. افغانستان، ایرلندگه قره‌گنده خلق ارا کریکت کینگشی‌گه عضو بولیشی اوچون، کوپراق شانس‌گه ایگه بولگن؛ انه شو سبب اوشبو تیرمه جماعه عربی امارات بیلن بیر تورت تامانلمه بیلشوو اوتکزیب و امتیازی‌نی کوپه‌یتیریشی کیره‌ک. هندوستان کریکت تیرمه جماعه‌سی پاکستان تیمی برابریده اویین‌گه چیقمه‌گن صورتده، افغانستان امتیازی ایرلندگه قره‌گنده کوپه ییشی ممکن.
افغانستان کریکت تیمی شنبه کون 24- اکتوبر، اوشبو سپورتی بولیم تاریخی‌ده ایکینچی کریکت تیرمه جماعه صفتیده روی خطگه آلیندی.
افغانستان تیمی حاضرگچه خلق ارا اویینلریده 20 اویین‌نی خلق ارا کینگش عضوی بولگن تیم‌لر برابریده عمل‌گه آشیرگن و بو جمله‌دن آلتی اویین‌ده یوتوققه ایریشگن. اوشبو تیرمه جماعه 50 آوره‌لیک آلتی اویین‌ده بیش مرته زیمبابوه تیمی اوستیدن اوتگن. شونینگ‌دیک، بو ییل آسیا جامی اویینلریده بنگله‌دیش تیمی برابریده یوتوققه ایریشگن ایدی.
حاضر افغانستان، خلق ارا کریکت روی خطی‌گه 20 اویین بیلن ایرلند تیمی‌دن سونگ، 12- درجه‌ده قرار تاپگن و زیمبابوه تیمی 45 اویین و 46 امتیاز بیلن اینگ یخشی اون کریکت تیرمه جماعه‌لری رویخطی اداغیده قرار تاپگن.
کریکت اویین طرفدارلری، زیمبابوه برابریده افغانستان کریکت تیرمه جماعه‌سی یوتوقلیگی‌نی تاریخی بیر یوتوقلیک بیلیب؛ جمهور رییس غنی هم، بو یوتوقلیک‌نی ملی کریکت تیرمه جماعه اویین‌چیلری‌گه تبریک‌له‌دی.
