افغانستان ملی فوتبال تیرمه جماعه‌سی لاووس و بنگله‌دیش تیرمه جماعه‌لری برابریده اوینه‌گنی‌دن کیین، بو مرته باشقه بیر دوست‌لیک اویینده بوگون پنج‌شنبه ایران نینگ مشهد شهری ثامن میدانی‌ده سوریه نینگ ملی فوتبال تیرمه‌جماعه‌سی برابریده چیقه‌دی.
افغانستان ملی فوتبال تیرمه جماعه‌سی اوتکن هفته سلاوان اسکیزیچ باشقروی اساس فوتبال مشقلرینی مشهد شهری ثامن میدانی‌ده باشلب و اوشبو تیرمه جماعه‌نینگ اویین‌چیلری سوریه‌نینگ ملی فوتبال تیرمه جماعه‌سی برابریده یخشی تیارلیک آلگن.
«خراسان شیرلری» شونده‌ی بیرحالده «قاسیون عقاب لری» برابریده چیقه‌دی کیم بوندن آلدین مذکور تیرمه جماعه‌گه یوتقوزگن ایدی.
افغانستان ملی فوتبال تیرمه جماعه‌سی بوندن آلدین بیر دوست لیک اویینده لاووس نینگ ملی فوتبال تیرمه جماعه‌سی برابریده چیقیب، ایکی گول ثمرگه ییتکیزیب مذکور تیم‌گه غالب چیقیب و شونینگ‌دیک بنگله‌دیش تیرمه جماعه‌سی بیلن مساوی بولگن ایدی.
افغانستان فوتبال تیرمه جماعه‌سی میلادی 2015- ییل فیفانینگ خلق ارا فوتبال جدولی‌گه 151- اورین ایگلله‌دی.
افغانستان بو درجه بندلیک‌ده، ایلگریدن کوره 16 پله قویی کیلگن. شونینگ‌دیک اوشبو تیم آسیا بوییچه 26- درجه‌ده توخته‌گن.
حال بوکی سوریه ملی فوتبال تیرمه جماعه‌سی فیفانینگ خلق ارا جدولی نینگ 121- اورینیده تورگن. مذکور تیرمه جماعه آسیا بوییچه 15- درجه‌ده قرار تاپگن و اوتکن بیر آی جریانی‌ده تورت پله یوقاری کیتگن.
افغانستان و سوریه ملی فوتبال تیرمه جماعه‌لری نینگ اویی‌نی افغانستان وقتی کیچه ساعت 8 ده مشهد شهری ثامن میدانی‌ده اوتکزیله‌دی.
اوشبو ایکّی تیرمه جماعه‌نینگ قیتیش اویی‌نی بو ییل اکتبر آیی‌نینگ 13 ده اوتکزیله‌دی.
بو اویین‌دن کیین، افغانستان باشقه بیر دوست‌لیک اویینده کمبوج تیمی برابریده چیقیشی کوتیله‌دی.
