افغانستان ملی خوفسیزلیک باشقرمه سی نینگ مطبوعات اداره سیدن ینگی دن نشر ایتیلگن خبرنامه ده ملا عبدالرووف خادم اورنیگه شاه ولی خان ترقه تیلگن لیگی اوچون اوشبو عایله دن عذر سوره گن. افغانستانده داعش گروهی نینگ رهبری ملا عبدالرووف جاری آی نینگ 20- سیده بیش نفر همکاری بیلن امریکالیک حربی لرنینگ هوا دن اوتکزگن هجومی نتیجه سیده هلمند ولایتیده اولدیریلگن ایدی. اونینگ اولدیریلیشی بیلن بیرگه ملی امنیت اداره سی بیر خبرنامه ترقه تیب، اونینگ هلاک ایتیلگن لیگی نی تصدیق له گن ایدی. مملکتده قوراللی طالب لرنینگ قوماندانلریدن بولمیش ملا عبدالرووف خادم مذکور گروه اورته سیده پیدا بولگن بعضی قرمه قرشی لیک لر سبب داعش رهبری ابوبکر البعدادینی بیعت قیلیشگه اولگوردی. اونینگ اسلامی دولت جنگری حرکتیگه قوشیلگن لیگی مذکور گروه تامانیدن تصدیق لنگن ایدی. شونینگ دیک ملا عبدالرووف البغدادی طرفیدن «ولایت خراسان» ده مسوولیتی ایتیب تعین لنگن ایدی. حاضر افغانستان ملی خوفسیزلیک اداره سی خبرنامه ترقه تیب، ملا خادم گه اوخشه گن شاه ولی خان عکسی نی خطا یوزه سیدن نشر قیلیشگن. خبرنامه ده شاه ولی خان ملا خادم بیلن امریکانینگ گوانتانامو تورمه سیده قماق مدتینی اوته گن. افغانستان ملی خوفسیزلیک اداره سی مذکور ایش اوچون شاه ولی خان و اونینگ عایله سیدن عذر سوره گن.
تورموش اورتاغی‌دن باله‌لرینی ساتیب آلگن عیال
04/03/2016
