افغانستان فوتبال تیمی عراق، جنوبی کوریا و استرالیات برابریگه چیقه‌دی

آسیا بوییچه 16 یاشرلر فوتبال جامی بیلشوولری‌نینگ 18- دور زمان بندلیک رویخطی رسمی شکلده اعلان قیلیندی.

آسیا فوتبال فدراسیونی‌نینگ ایتیشیچه، افغانستان 16 یاشرلر فوتبال تیمی‌نینگ بو ییل‌گی رقیبی عراق، جنوبی کوریا و استرالیا دیر.

آسیا بوییچه 16 یاشرلر فوتبال جامی بیلشوولریده بو ییل 16 تیم تورت گروه ده اشتراک قیله‌دیلر.

اوشبو بیلشوولرنی «ای» گروهی‌ده جاپان، تایلند، تاجیکستان و مالزیا، «بی» گروهی‌ده شمالی کوریا، یمن، اردن و عمان، «سی» گروهی‌ده ایران، ویتنام، هند و اندونیزیا، و «دی» گروهی‌ده عراق، جنوبی کوریا، افغانستان و استرالیا رقابت قیله‌دیلر.

اوشبو اویین‌لر 20 سپتمبردن 7- اکتوبرگچه مالزیا باشکینتی کوالالامپورده یولگه قوییله‌دی.

افغانستان 16 یاشرلر فوتبال تیمی بیرینچی مرته بونده‌ی بیر بیلشووگه اشتراک قیله‌دی.

آسیا بوییچه 16 یاشرلر فوتبال جامی بیلشوولری هر ییل 1985- ییل‌دن بویان اعضا بولگن مملکت‌لردن بیری ده یولگه قوییله‌دی و آسیادن 16 اینگ یخشی تیم بو اویین‌لرده بیر-بیراوی‌نینگ برابریده رقابت قیله‌دیلر.