افغانستان عالی تحصیلات وزیرلیگیدن فعالیتینی آلمسدن ایریم خصوصی بیلیم یورتلر ناقانونی شکلده طلبه آله‌دیلر.
سلام‌وطندارگه ییتیب کیلگن حجت‌لرگه کوره، بلخ و تخار ولایتلریده راه سعادت، خورشید، طلوع آفتاب، ادراک، استقامت و کابلده ازهر ناملی خصوصی بیلیم یورتلر ناقانونی شکلده طلبه‌لردن سیناو آلیش برنامه‌سینی یولگه قویگنلر.
حجتلرنی کورسه‌تیشیچه، عالی تحصیلات وزیرلیگی‌نینگ خصوصی بیلیم یورتلر بولیم ریاستی رسمیلری موضوع‌نی تأیید قیلیب ایتیشیچه، ناقانونی شکلیده طلبه آلیب فعالیت قیله‌دیگن جوازسیز بیلیم یورتلرنی یاپیش باره‌سیده وقتیده حرکت قیلگن ایدیک.
اوشبو ریاست‌نینگ خصوصی بیلیم یورتلرده 02/02/1396 ده «160» سانلی مکتوبده، «خصوصی بیلیم یورتلرنینگ کانکور سیناوی باره‌سیده سونگی ایستک‌لریگه قره‌ته، ایریم خصوصی نهادلر متفرقه سیناوی عنوانیده 10 حمل 1396 ییل طلبه آلیشلرینی یازگن. اوشنده‌یکه بیله‌سیز کانکور سیناوی اصولگه یره‌شه انیق بیر پیتده آلینه‌دی، ینگی جذب ایتیلگن طلبه‌لر هیچ بیر شرایط‌ده تیکشیریش پیتیده… تأیید قیلینمه‌یدی.» دیب یازگن ایکن.
شونینگدیک عالی تحصیلات وزیرلیگی‌نینگ خصوصی موسسه‌لر ریاستی ینه 03/03/1396 ده هم ایری بیر مکتوبده: «سونگی کونلرده کورینیشیچه، ایریم خصوصی بیلیم یورتلر اوز طلبه‌لریگه هفته‌ده ایکی کون لیسانس بولیمی درسلرینی باشله‌گن ایمش، اما بو وزیرلیک لایحه‌سیگه قرشی و درس‌لیک پروگرامدن تشقری بولگنی اوچون تطبیق بیریلیشی ناقانونی» اوشبو مکتوب اساسیده اعتبارلی ایمس دیگن ایکن.
عالی تحصیلات وزیرلیگی‌نینگ خصوصی موسسه‌لر بولیمی باشلیغی محمدامیر کامه‌وال نینگ ایتیشیچه، خصوصی بیلیم یورتلر و موسسه‌لر آرقه‌لی متفرقه سیناو اسمیده درس باشله‌گن بولسه، «اولر اوشبو وزیرلیک طلبه‌سی دیب تانیلمی‌دی.»
کامه‌وال‌نینگ سلام‌وطندارگه ایتیشیچه، جاری ییلده ایکی کون درس اوقیته دیگن صنفلر مذکور وزیرلیک تامانیدن لغو قیلینه‌دی.
کامه‌والگه کوره، مملکت بویلب عالی تحصیلات وزیرلیگی ناقانونی موسسه‌لر و بیلیم یورتلرنی یاپیش اوچون برچه تلاشلرینی عملگه آشیره‌دی.
اما خصوصی بیلیم یورتلر رسمیلری‌نینگ ایتیشیچه، حاضرگه قدر بولرگه متفرقه سیناو آرقه‌لی جذب ایتیلگن طلبه‌لر رسمیتی یوق‌لیگی باره‌سیده قیسی مکتوب کیلمه‌گن. ادراک عالی تحصیلاتی‌نینگ باشلیغی داکتر متین ادارک بو مطلب‌نی بیان قیلیب، افغانستانده خصوصی بیلیم یورتلر ینگی تأسیس ایتیلگن و حمایتگه نیازی بار دیدی. جناب ادارک عالی تحصیلات وزیرلیگیدن قوللریده‌گی هجتنی بولرگه کورسه‌تیش‌نی طلب قیله‌دی.
خورشید بیلیم یورتی‌نینگ علمی اورین باسری جمال‌الدین سینا دلیری، اساسی قانون 7-ماده‌سیگه بنأ «دولت، شخصی سرمایه یاتقیزووچیلرنی بازار و اقتصاد نظامیگه یره‌شه و قانون بویروغی اساسده حمایت قیله‌دی و مصونلی‌گینی تضمین قیله‌دی» دیدی.
راه سعادت عالی تحصیلاتی‌نینگ باشلیغی عاکف جهاد، پنج‌شنبه و جمعه کونلریده اوقیتیش باره‌سیده ایتیشیچه، ماسترلیک بولیمی‌ده عادتده‌گی دیک مکتب‌لر و موسسه‌لر اوقیتوچیلری هفته جریانیده کونده لیک اورگه‌تیش ایشلری بیلن مصروف بولگنی اوچون پروگرام توزه‌تگنلر. اونینگ بو وزیرلیک اوشبو طلبه لرگه فراغت حجتی بیره‌می یا یوق «خبرسیز» لیگینی تیلگه آله‌دی.
یوقاریده اسمی یازیلگن ایریم متفرقه سیناو اوتکزیب طلبه جذب قیلگن خصوصی بیلیم یورتلر، سلام‌وطندار بیلن صحبت قیلشگه حاضر بولمه‌دیلر.
_Copy1.jpg)
یوکسک تحصیلات وزیرلیگی‌نینگ خصوصی بیلیم یورتلر بولیم باشلیغی محمدامیر کامه‌وال، خصوصی بیلیم یورتلر رسمیلری‌نینگ ادعالریگه قر ه‌ته، افغانستان، امیریکه و بریتانیا ایمس هفته‌ده ایکی کون درس اوقیدیگن طلبه‌لریگه هم حجت تیار قیلسه دیدی. او، خصوصی بیلیم یورتلر قانون یوزه‌سیدن فعالیت قیلیشلریگه تأکید قیله‌دی.
عالی تحصیلات وزیرلیگی‌نینگ خصوصی بیلیم یورتلر مقرره‌سی 4- ماده‌سیده هم تأکید قیلینیب، خصوصی بیلیم یورتلر (عالی تحصیلات وزیرلیگی‌نینگ نصاب و درس‌لیک مفرداتی) تأییدینی آلیشلری لازم دیگن.
عالی تحصیلات وزیرلیگی‌نینگ رقمی‌گه کوره، شوحاضر 137 خصوصی بیلیم یورت مذکور وزیرلیکدن رسمی شکلیده فعالیت قیلیش جوازینی آلگنلر. حجتنی کورسه‌تیشیچه بو رقمدن 68 ته‌سی کابلده فعالیت قیله‌دی و قالگن 69 ته‌سی ایسه ولایتلرده فالیت قیلیب کیلماقده.
شو حاضر مملکت بویلب خصوصی بیلیم یورتلرده 70 مینگدن آشه قیز و ایرکک طلبه درس اوقیش بیلن مصروف‌لر.
عالی تحصیلات وزیرلیگی‌نینگ خصوصی بیلیم یورتلر بوییچه ریاستی باشلیغی‌نینگ ایتیشیچه، جمهور رییس‌نینگ 45 لمچی بویروغی اساسیده، اوشبو اداره موسسه‌لرنی تیکشیریشیدن سونگ، 65 عالی تحصیلات تیکشیریلیش نتیجه‌سی وزیرلر کینگشی تأییدیسینی آلگندن سونگ اوشبو نهادلردن بیر قطاری عالی تحصیلاتدن بیلیم یورتگه ارتقا قیلگن و ایریمی‌گه هم ماسترلیک برنامه‌لری آلینیش زمینه‌سی یره‌تیلگن.
بو وزیرلیک بوندن بویان هم خصوصی موسسه‌لرنی تیکشیریش ایشی ایکی بولیم‌ده هم علمی و هم اداری بولیم‌لرنی مسلکی و تجربه‌لی استادلر تامانیدن دوام ایتیشی ممکن دیدی.
