 - Copy 1.jpg)
ټاکل شوېده، د افغانستان فوټبال ملي لوبډله سبا په یوه دوستانه فوټبال سیالۍ کې د مالدیف فوټبال ملي لوبډلې خلاف د لوبې ډګر ته ووځي.
د افغانستان فوټبال فدراسیون لهخوا د ورکړل شویو معلوماتو له مخې، افغان فوټبال ملي لوبډلې سیالۍ ته په دوبۍ کې خپل تمرینات بشپړ کړي او د سبا ورځې لومړۍ دوستانه سیالۍ ته پوره چمتووالې لري.
دا سیالي به د افغانستان پر وخت د شپې ۸ نیمې بجې پیل شي.
د افغانستان فوټبال ملي لوبډله د فوټبال نړیوالې شورا په نوې اعلان شوې درجهبندۍ کې له ۴ هېوادونو وروسته شوی او د ۱۴۰ امتیازونو په لرلو ۱۵۸م مقام ته تللی دی.
دغه راز مالدیفۍ فوټبال ملي لوبډلې هم د افغانستان په څېر په نوې اعلان شوې درجهبندۍ کې له ۴ هېوادونو وروسته شوی، چې له افغانستانه مخکې په ۱۴۶ امتیازونو سره ۱۵۶م مقام لري.
افغان فوټبال ملي لوبډلې ته د جون پر ۶مه د مالدیف پر خلاف او د جون پر ۱۳مه د کوربه کمبودیا خلاف سیالیو ته خیبراماني او مصطفی ازادزوی راستانه شويدي.
دغه راز د «اوتو فیستر» په روزنه د ملي لوبډلې د لوبډلمشر فیصل شایسته مشر وروسته قیس شایسته هم په افغان فوټبال ملي لوبډله کې د لوبېدو چانس ورکړل شوی.
افغانستان او مالدیف د لومړي ځل لهپاره په ۲۰۰۵ کال کې د فوټبال نړیواله سیالي وکړه، چې افغانستان پهکې ۹ د ۱ ګول پر وړاندې ماتې خوړلې وه.
د دویم ځل لهپاره دواړه لوبډلې په ۲۰۰۹ کال کې مخامخ شوې، چې هغه ځل هم مالدیف ۳ د ۱ ګول پر وړاندې افغانستان ته ماتې ورکړه، خو په ۲۰۱۳ کال کې د دواړو لوبډلو ترمنځ پرته له کوم ګوله سیالي مساوي پاې ته ورسېدله.
په ۲۰۱۴ کال کې د مالدیف او افغانستان سره په یو ـ یو ګول مساوي شول؛ خو په پنلټي شوټونو کې مالدیف ۹ د ۸ ګولونو پر وړاندې افغانستان ته ماتې ورکړه.
دواړو لوبډلو د وروستي ځل لهپاره ۲ کاله مخکې په ۲۰۱۵ کال کې لوبه وکړه، چې افغانستان پهکې ۴ د ۱ ګول پر وړاندې مالدیفۍ لوبډلې ته ستره ماتې ورکړه.
