افغانستانده گمرک تعرفه‌لری خلق ارا سوداگرلیک تشکیلاتی گه حکومت تامانیدن بیریلگن سوزلر نظرگه آلینمه‌ی کوپه‌یگن.
سلام‌وطندارگه ییتیشگن حجت‌لرگه کوره، کمیده 7 آی آلدین، گمرک‌لر بوییچه تعرفه کمیته‌سی خلق ارا قانونلرنی نظرگه آلمه‌ی و چیت‌ایل مملکت‌لردن آلیب کیلینه‌دیگن ایریم توارلرنی تعرفه‌سیگه اوزگریش کیریتگن.
اوشبو حجت‌لر اساسیده، قویاش 1397- ییل، 20- سنبله ده اوتکزیلگن بیر ییغیندن سونگ، تعرفه کمیته‌سی تامانیدن مالیه وزیرلیگی گه یوباریلگن CUTO-4638 تکلیفی مکتوب ده کیلیشیچه، ایچکی صناعت‌لر حمایت قیلینیشی و آلقیش‌لنیشی اوچون انگلارند، گادر، قالین و چیت‌ایل مملکت‌لردن آلیب کیلینه‌دیگن باشقه بیرقطار توارلرنی تعرفه‌سیگه اوزگریش کیریتیلیشی خصوصیده قرار آلینگن.
اوشبو حجت‌لرنینگ بیر بولیمیده کوپه‌یتیریلیشیچه، «ضرورت بولگنی باعث، کمرک‌لر بوییچه تعرفهلر کمیته‌سی 1397-ییل 20 سنبله‌گه یولگه قوییگن ییغینده ،کمرک‌لر قانونی نینگ 26 ماده‌سی اساسیگه ایچکی صناعت‌لردن حمایت قیلیش اوچون؛ مذکور کمیته اعضالری کوپلب بحث قیلگنی‌دن سونگ، بو قرارلرنی آلگن.
1. انگلارند و آهن‌گادر تعرفه‌لری 5% دن 16% گه کوپه‌یگن. 2. قوله‌نیلگن قالین نینگ تعرفه‌سی 30% دن 25% گه کمه‌یگن. 3. یوقاری فایزی بولگن باشقه کودلر هرفصل کودی بیلن بیردیک بولیشی کیره‌ک.»
اوشبو مکتوب گه کوره، ایری کودلرگه شامل بولگن ییر نقلیه واسطه‌لر تعرفه‌سی 30% دن 70% گه کوپه‌یگن و اوشبو مورد حکومت‌نینگ خلق ارا سوداگرلیک سازمانی «WTO» گه بیرگن سوزیگه قرشی دیر.
افغانستان حکومتی‌نینگ خلق ارا سوداگرلیک سازمانی‌گه بیرگن سوزلریگه کوره، کیچیک موترلرنینگ تعرفه‌لرینی 50% دن یوقاری تعیین ایتیلیشی کیره‌ک ایمس و تعرفه‌لرنی 70% گه کوپه‌یتیریش اوشبو سوزلرنی نظرگه توتمه‌یش‌نی کورسته‌دی و افغانستان سوداگرلیگی اوستیگه سلبی تاثیر قوی‌گنی چکه‌سیده، افغانستان حکومتی‌نی خلق ارا سوداگرلیک سازمانی یانیده متخلف کورسته‌دی.
اوشبو مکتوب گه صناعت و سوداگرلیک وزیرلیگی‌نینگ اورین باسری، پترولیم و کانلر وزیرلیگی نینگ اورین باسری، ایکینچیلیک وزیرلیگی نینگ اورین باسری، اقتصاد وزیرلیگی نینگ اورین باسری، صناعت و سوداگرلیک اتاقی نینگ باشلیغی و اورین باسری و گمرک‌لر درآمدی نینگ اورین باسری قول قوییگن و مالیه وزیرلیگی نینگ سرپرستی همایون قیومی اونینگ اجرا ایتیلیشی اوچون حکوم صادر قیلگن.
تعرفهلر کمیته‌سی تامانیدن شونینگدیک تصمیم‌لر آلینیشی، اوشبو کمیته اعضالری نینگ حکومت‌نی خلق ارا سوداگرلیک سازمانی‌گه بیرگن سوزلریگه عمل قیلمه‌یش‌نی اثبات قیله‌دی.
گمرک‌لر عمومی باشلیغی احمدرشاد پوپل نینگ سلام‌وطندارگه ایتیشیچه، اوتگن ییل 20 سنبله‌ده صورت تاپگن ییغیندن آلدین ایری کودلردن ناتوغری قوله‌نیله‌ریدی و تعرفهلر کمیته‌سی بو حرکت گه توسیق بولیش اوچون ایری کودلر تعرفه‌سینی یوقاری ایلتگن.
.jpg)
جناب پوپل گه کوره، اولر اوچون سوزلر اونملی ایمس، بلکیم مملکت منفعت‌لری اونملی دیر. « بیز افغانستان منفعتی، یوتوقلری و ایچکی محصولات‌لردن حمایت قیلیش اوچون بونده‌ی قرارنی آلگن میز و بو مملکت‌لرنینگ صلاحیتی‌دن دیر، افغانستان نینگ زیان کوریشی‌گه توسیق بولیش گمرک‌لر اداره‌سی‌نینگ مسوولیتی دیر. تعرفهلر کمیته‌سی یالغیز ایری کودلر بولیمیده بو قرارنی آلگن و بو حرکت خلق ارا سوداگرلیک سازمانی‌گه بیرگن سوزلرگه قرشی تلقی بولمه‌یدی. بیزیم مقصدیمیز بیللی دیر، بیز بیر قلم توغریسیده قرار قیلگن ایمس میز و ایری کودی خصوصیده قرار قیلگن میز.»
افغانستان 2016- ییلده رسمی شکلده خلق ارا سوداگرلیک یا-ده WTO سازمانی عضویتی‌نی قولگه کیلتیرگن.
ایش بیلرمانلرگه کوره، بو حرکت افغانستان حکومت نینگ خلق ارا سوداگرلیک سازمانی گه بیرگن سوزلرینی نظرگه توتمسلیک‌نی کورسته‌دی.
