تشقی ایشلر وزیرلیگی سوزلاوچیسی اورین باسری خیرالله آزادنینگ سلام‌وطندارگه ایتیشیچه، ملی بیرلیک حکومت تینچ‌لیک‌که طرفدار و طالب‌لردن ایریلگن برچه گروه‌لر بیلن سوزلش و مذاکره اوتکزیش‌گه تیارگرلیک کورستگن. جناب آزادنینگ کوپه‌یتیریشیچه، حکومت برچه دولت‌گه قرشی قوراللی گروه‌لردن مذاکره‌گه قوشیلیش‌لرینی سوره‌گن و دایمی بیر تینچ‌لیک‌که ایریشیش خصوصیده عملی و تأثیرچین شکلده یاردم بیریش‌لری‌نی ایسته‌گن.
افغانستان، پاکستان، چین و امیریکه مملکت‌لری اورته‌سیده‌گی تورت تامانلمه تینچ‌لیک اولتیریشی بوگون دوشنبه اسلام‌آباد‌ده یولگه قوییلدی. ایتیلیشیچه، بو اولتیریش‌ده افغانستان بیلن طالب‌لر گروهی اورته‌سیده اوتکزیله‌دیگن یوزمه یوز سوزلشوولر خصوصیده بیللی بیر لایحه توغری‌سیده بحث اوتکزیلیشی ممکن.
تشقی ایشلر وزیرلیگی سوزلاوچیسی اورین باسری‌نینگ ایتیشیچه، دنیانینگ ایکی قدرتی امیریکه و چین بو ییغینده اونملی و تأثیرچین رول اوینه‌یدی. جناب آزادگه کوره، ایکی مملکت هم پاکستان بیلن یخشی علاقه‌ده بولگن و بو مملکت‌نینگ افغانستان دولتی بیلن کیلیشیش‌گه ترغیب ایته آله‌دی.
امیریکه بیلن چین، پاکستان سوزلری عملی بولیشی‌دن نظارت قیله‌دی و پاکستان، طالبان گروهی‌نی تینچ‌لیک مذاکره اوتکزیش‌گه ترغیب ایته‌دی.
شونینگ‌دیک، بوگون نماینده‌لر کینگشی‌نینگ تورت تامانلمه تینچ‌لیک سوزلشوولری بیرینچی دوری یولگه قوییلیشی توغری‌سیده ایتیشیچه، بو اولتیریش‌دن حمایت قیله‌دی و بو اولتیریش‌نی سونگی دوری کابل‌ده یولگه قوییلیشی کوتیله‌دی.
نماینده‌لر کینگشی عضوی عبدالقیوم سجادی‌نینگ ایتیشیچه، ملی بیرلیک حکومت تیزلیک‌ده تینچ‌لیک و اوروش مسئله‌سی توغری‌سیده‌گی اساسی لایحه‌نی بیللی قیلیب و اونی نماینده‌لر کینگشی‌گه ارایه ایتیشی لازم. جناب سجادی‌نینگ آگاه‌لنتیریشیچه، تینچ‌لیک‌نی اوروش‌دن ایری کورمس‌لیک لازم و حکومت تینچ‌لیک مسئله‌سی خصوصیده، امنیت‌نی اونوتمس‌لیگی کیره‌ک.
تورت تامانلمه سوزلشوولر توغری‌سیده مجلس صحبت‌لری جریانیده، وردک خلقی‌نینگ پارلمانده‌گی نماینده‌سی غلام حسین ناصری، مملکت سابق جمهور رییسی حامدکرزی‌نینگ، تینچ‌لیک سوزلشوولری آلغه آلیب باریلیشی توغری‌سیده اره‌لشیش و قانون شکن‌لیک‌که عیب‌لب ایتیشیچه، جناب کرزی، اپوزیسیون آتی‌دن فایده‌لنیب، تیزیم ایچیده بیشینچی ستون رولی‌نی اوینه‌یدی و مملکت‌ده تینچ‌لیک سوزلشوولری نتیجه‌سینی قیین‌چیلیک‌که روپه‌ره قیلیش اوچون سعی و حرکت قیله‌دی.
دیمک پاکستان حکومتی بیلن افغانستان‌ده‌گی جنگری گروه‌لر اینیقسه طالب‌لر تینچ‌لیک مذاکره اوتکزیلیشی‌گه تیارگرلیک کورستگن، بیراق افغانستان حکومتی بیلن بوله‌دیگن یوزمه یوز سوزلشوولری خصوصیده، طالب‌لرنینگ سونگی ایسته‌گی، قطار کیشی‌لرنینگ نظری اساسیده، طالب‌لر بو ایشی بیلن اوشبو مذاکره‌ده پاکستان اهمیتی‌نی کمه‌یتیریش نیت‌ده بولگن.
