افغانستان جمهور رئیسی نینگ ملی خوفسیزلیک کینگشی‌نی مصلحتچیسی حمدالله محب نینگ ایتیشیچه، طالبان گروهی بیلن تینچلیک سوزلشوولری اوچون هر تامانلمه بیر ریجه تیارلنگن.
جناب محب گه کوره، اولر تینچلیک سوزلشوولرینی باشلش اوچون نیچه شرط قویگن و قوییلگن شرط‌لر جمله‌سیدن بیر آیلیک آتیش‌کیسین، طالبان گروهی نینگ قومندانلری اوستیگه مذکور گروه رهبرلیگی‌نینگ حاکمیتی‌نی اثباتلش و تینچلیک تأمین‌لنگنیدن سونگ، باشقه گروهلرگه پاکستان تامانیدن تعلیم بیریلمه‌سی دیر.
حمدالله محب نینگ ایتیشیچه، طالبان گروهی پاکستان بیلن بولگن علاقه‌لری قنده‌یلیگی‌نی مشخص قیلیب، افغانستان یشاوچیلری نینگ اولدیریش‌دن باش تارتیب و شونینگدیک، پاکستان، افغانستانده اوروش دوامیدن قول تارتیشی کیره‌ک.
اونینگ کوپه‌یتیریشیچه، اوشبو 7 ماده‌لیک ریجه اوچ بولیم‌دن عبارت بولگن؛ بیرینچی بولیمی تینچلیک سوزلشوولری گه تیگیشلی، ایکینچی بولیمی منطقه‌یی کیلیشووگه تیگیشلی و اوچینچی بولیمی ایسه مملکت‌ده اقتدارلی حکومت ایجاد ایتیلیشی‌گه تیگیشلی بوله‌دی.
جمهور رئیس نینگ ملی خوفسیزلیک مصلحتچیسی‌نی ایتیشیچه، بو ریجه آمریکا، اروپا بیرلیگی و باشقه بیرقطار مملکتلر بیلن شریک قیلینگن و اولر هم بو ریجه‌دن حمایت بیلدیریشگن.
شو توغریده:
- میلر: طالبان تینچلیک‌که تَن بیرگونگه‌قدر، حربی باسیم آستیده بوله‌دی
روسیه، چین، پاکستان و آمریکا نماینده‌لری، تینچلیک سوزلشوولر قیته باشله‌نیشی‌گه تاکید قیلیشگن
شاهین: افغانستانلیک‌لر ارا تینچلیک ییغینی کیله‌جک هفته چین ده یولگه قوییله‌دی
جناب محب گه کوره، شونینگدیک بو ریجه اوچون بیر کینگش یولگه قوییلیشی ممکن و مذکور کینگش اشتراکچی‌لری بو ریجه نی تصویب قیلگن حالده، قطار مملکتلر نماینده‌لری بیلن باشقه بیر ییغین یولگه قوییلیشی ممکن.
سیاسی ایش بیلرمانلردن قطاری حکومت نینگ تینچلیک توغریسیدگی ینگی ریجه‌سیدن خرسندلیک بیلدیریب ایتیشلریچه، بو ریجه تینچلیک سوزلشوولری باشلنیشی اوچون ایجابی دیر.
سیاسی ایش بیلرمان اکبرجان فولادنینگ ایتیشیچه، شونینگدیک اوشبو ریجه عمل گه آشیریلیشی اوچون سیاستچیلر و مدنی جماعه نظارت موضوعی مذکور ریجه‌ده جایلشتیریلیشی کیره‌ک.
اونگه کوره، شونینگدیک طالبان بو ریجه نی تَن آلیشی ممکن و طالبان سونگی کونلرده مغلوب بولگن و اولرنینگ کتته حمایت‌چیسی پاکستان اقتصادی و سیاسی قیینچلیک که روپه‌رو دیر.
طالبان سابق اعضالریدن بیری سیداکبر آغا نینگ ایتیشیچه، طالبان آمریکا بیلن تینچلیک کیلیشووی نی تیارله‌گن و یالغیز امضاسی قالگن، شو یوزه‌دن حکومت نینگ تینچلیک ریجه‌سی عملی بولمه‌سی ممکن.
بوندی بیاناتلر ارائه ایتیلگن حالده، مملکت قطار یشاوچیلری و منطقه مملکتلری آمریکا و طالبان آره‌سیده‌گی تینچلیک سوزلشووی قیته‌دن باشله‌نیب و بیر کیلیشووگه قول تاپیش‌لرینی سوره‌گن.
