.jpg)
تشقی ایشلر وزیرلیگی‌نینگ ستوری قصری، 5.7 میلیون دالر خرجت کوتریب قیته قوریلدی و بوگون (دوشنبه) افغانستان جمهور رییسی، هند ایلچیسی و بیرقطار افغانستان دولتی رسمی‌لری حضوریده آچیلدی. اوشبو قصرنینگ قیته قوریش خرجتی هند مملکتی تامانیدن تول‌لنگن.
مذکور قصرنینگ آچیلیش مراسمی‌ده هند باش وزیری نرندرا مودی، ویدیو کنفرانس آرقه‌لی اشتراک ایتگن. جناب مودی‌نینگ ایتیشیچه، افغانستان بیلن هندنینگ سیاسی و مدنی علاقه‌سی یقین دیر. شونینگ‌دیک او، کیله‌جک‌لرده هم ینگی دهلی‌نینگ کابل قیله‌دیگن همکارلیک‌لری دوامی خصوصیده ایشانچ بیردی.
ستوری قصری آچیلیش مراسمی‌ده جمهور رییس غنی‌نینگ ایتیشیچه، افغانستان بیلن هند آره‌سیده‌گی علاقه کینگه‌یماقده و ینگی دهلی هر بیر شرایط‌ده افغانستان اهالیسی‌گه یاردم بیرگن. جناب غنی، مذکور قصر قیته قوریلیشی‌نی ایکی مملکت‌نینگ دوست‌لیک علاقه‌سی اوچون اونملی دیب توصیف‌له‌دی.
اوشبو مراسم‌ده مملکت تشقی ایشلر وزیری صلاح‌الدین ربانی‌نینگ ایتیشیچه، کابل- ینگی دهلی آره‌سیده‌گی علاقه خاص اهمیت‌گه ایگه بولگن. شونینگ‌دیک جناب ربانی، عصیانچیلیک و ترورچیلیک‌که قرشی کوره‌ش‌ده، ایکی مملکت همکارلیگی اوستیگه تأکیدله‌دی.
ستوری قصری‌نینگ تمل تاشی، امیر حبیب‌الله خان‌نینگ زمانی‌دن آلدین، افغانستان تشقی ایشلر وزیرلیگی‌ده قوییلگن ایدی، بیراق سونگی نیچه دهه ناتینچ‌لیک‌لری باعث، اوشبو قصر قیته قوریلگن.
