افغانستان بوییچه بیرلشگن ملت‌لر تشکیلاتی‌نینگ بشری رواجلنتیریش گزارشی اوتگن «سه‌شنبه کون» ترقه‌تیلدی.
مملکت‌ده، مذکور تشکیلات‌نینگ رواجلنتیریش لایحه‌لر نماینده‌سی، میلادی 2015- ییل گزارشی‌نی اساسی ایش تورلری دیگن.
بیرلشگن ملت‌لر تشکیلاتی‌نینگ رواجلنتیریش لایحه‌لر نماینده‌سی مارک باودن‌نینگ، بو گزارش ترقه‌تیله‌دیگن چاغیده ایتیشیچه، اوشبو گزارش‌ده تورلی ایشلر جمله‌دن عادی ایشلردن باشلب رضاکارلیک و زور ایشلر تیکشیرووگه آلینگن.
جناب باودن، افغانستان‌گه یاردم بیرووچی مملکت‌لر اینیقسه امیریکه‌دن افغانستانده ایش زمینه‌لری یره‌تیلیشی‌گه سعی و حرکت قیلیشی‌نی سوره‌ب و اوشبو مملکت اقتصادی ایله‌نیشی‌نی تیلگه‌آلدی.
شونینگ‌دیک، بیرلشگن ملت‌لر تشکیلاتی‌نینگ رواجلنتیریش لایحه‌لر نماینده‌سی دوگلاس کی‌نینگ، مذکور گزارش ترقه‌تیله‌دیگن چاغیده ایتیشیچه، هر ییل بونده‌ی گزارشلر پیام ییتکیزیش اوچون ترقه‌تیله‌دی و بو ییل اوشبو گزارش یالغیز ایش توغری‌سیده توپلنگن.
زور ایشلر بیلن اورینیب یورگن باله‌لر توغری‌سیده جناب کی‌نینگ ایتیشیچه، اوشبو باله‌لر رقمی دنیا بویلب 160 میلیون‌گه ییتیشه‌دی و ایستک‌لریگه قرشی ایش‌گه آلینه‌دی و بو جمله‌دن 100 میلیون باله جبری شکلده زور ایشلرنی آلغه‌آلیب باره‌دی. بیرلشگن ملت‌لر تشکیلاتی‌نینگ رواجلنتیریش لایحه‌لر نماینده‌سی‌نینگ کوپه‌یتیریشیچه، باله‌لر اولیمی و کم‌بغل‌لیک‌نی کمه‌یتیریش خصوصیده، ایریم لایحه‌لرنی قولگه آلگن و بو توغریده هیچ قنده‌ی سعی و حرکت‌دن واز کیچمه‌یدی.
شونینگ‌دیک، دوگلاس کی‌نینگ ایتیشیچه، افغانستان دنیا بویلب 188 مملکت اورته‌سیده بشری رواجلنتیریش نظریدن 171- اورین‌ده قرار تاپگن.
انه شونده‌ی، اوشبو ییغینده تشریف بویورگن قیشلاق‌لرنی رواجلنتیریش وزیری نصیراحمد درانی‌نینگ ایتیشیچه، کمیده 55 بشری رواجلنتیریش لایحه‌نی قولگه آلگن و بو لایحه‌لر باشلنگن صورتده، 11 مینگ‌دن آرتیق کیشی‌گه ایش زمینه‌لری یره‌تیله‌دی.
جناب درانی‌گه کوره، بو لایحه‌لر بلخ، بغلان، بدخشان، پنجشیر، غور، پروان، بامیان، لغمان، تخار، پکتیا، فاریاب و نورستان ولایت‌لریده عمل‌گه آشیریله‌دی.
شونینگ‌دیک، ایش و اجتماعی ایشلر، شهیدلر و ناگران‌لر وزیرلیگی رسمی‌لریگه کوره، افغانستان بشری کوچلریدن حاضر 22.2 فایزی‌نینگ هیچ بیر ایشی یوق و اوشبو کوچلردن 16 فایزی آز حقوق بیلن ایشله‌یدی. رسمی‌لرنینگ ایتیشیچه، ایش و اجتماعی ایشلر وزیرلیگی، یشاوچی‌لر اینیقسه عیال‌لر اوچون ایریم لایحه‌لرنی کوزگه توتگن و بو لایحه‌لردن بیرقطاری فایده‌لنیش باسقیچی‌ده ییتیشگن.
