افغانستان ملی فوتبال تیرمه جماعه‌سی آسیا جامی سیلش دوری آلتینچی اویینی‌ده، ایرته کامبوج برابریده چیقه‌دی. مملکت فوتبال فدراسیونی خبرنامه‌سیگه کوره، افغانستان اویینی کامبوج برابریده افغانستان وقتی بیلن کیچ قورون ساعت 4 ده تهران شهریده‌گی تختی میدانیده یولگه قوییله‌دی.
ایتیلیشیچه، بو اویینده تیرمه جماعه کاپیتانی جلال‌الدین شریعت‌یار اورنیده فیصل شایسته بوله‌دی. مملکت فوتبال تیرمه جماعه‌سی یخشی صورتده تیارگرلیک آلگن و ینگی مربی‌سی بیلن حاضر ایران‌ده تمرینات‌گه باشله‌گن.
آسیا جامی سیلش دوریده 8 تیرمه جماعه ایچیدن، یالغیز تورت تیرمه جماعه ایرکین صورتده سونگی باسقیچ‌گه یول تاپه‌دی. بیشینچی بولگن تیرمه جماعه «پلی آف» اویین‌لریگه کیریشی کیره‌ک.
سوریه تیرمه جماعه‌سی حاضرگی شرایط‌ده 5 اویندن 12 امتیاز آلگنی باره‌سیده ایتیلیشیچه، 13 ایجابی گلی بیلن بیرینچی بولگن. جاپان بیر اوین کم بولیب، 10 امتیاز آلگن، اما اونینگ ایجابی گلی 12 دیر. کوتیلیشیچه جاپان باشقه ایکی اویینده سنگاپور و کامبوج مقابلی‌ده یوتوققه ایریشگن صورتده، بیرینچی درجه‌ده قرار تاپیشی ممکن. عین حالده، سوریه و جاپان تیرمه جماعه‌لری بیرینچی گروه صفتیده بیری- بیراوی بیلن بیلشه‌دی.
سنگاپور هم 10 امتیازگه ایگه و 5 ایجابی گولی سبب، اوچینچی درجه‌ده قرار تاپگن. عین حالده، اوشبو تیرمه جماعه اوچ اویینده جاپان، سوریه و افغانستان تیرمه جماعه‌لری برابریده چیقه‌دی.
