د سويلي اسيا فوټبال لوبو کې افغانستان بوتان ته په درې ګولونو ماته ورکړه.
د لوبې له پېله افغان لوبډله تر ډېره پر لوبې واکمنه وه، چې د۵۰ سلنې څخه زیات د مېدان توپ د افغان لوبډلو په واک کې و.
د افغانستان د فوټبال لوبغاړي د بوتاني لوبغاړو په پرتله په مېدان کې تر ډېره پر خپلو ځانونو متکي ښکارېدل.
د افغانستان د فوټبال ملي لوبډلې په ۴۳ دقیقو کې دوه ګولونه د حریف دروازې ته ووهل، چې د لوبې لومړۍ نیمايي د افغانستان په ۲ ګولونو او د بوتان په صفر ګول سره پای ته ورسېده.
بوتان ۲۴ سلنه پر لوبې واکمن و.
د لوبې په اوله نیمايي کې لومړی ګول خیبر اماني له خوا او دویم يې هم د مسیح صیغاني له لوري ووهل شو، چې په دویمه نيمايي کې د لوبې په ۵۴ دقیقه کې خیبر اماني یو ځل بیا وتوانېد، چې د حریف دروازې ته بل ګول هم ووهي.
داسې ښکارېده، چې افغان لوبډلې د برید او مقابل ټيم دفاعي حالت ځان ته غوره کړی و.
په لوبه کې افغان لوبډلې یو شمېر فرصتونه له لاسه هم ورکړل، خو مقابل لوري هم داسې زیات د ګول وهلو هڅه نه کوله.
د یادولو ده، چې له دې وړاندې افغانستان له بنګله دېش سره هم د فوټبال لوبه وکړه، خو هغه هېواد ته يې بیا ۴ مقابل د صفر ماتې ورکړې وه.
