جنوبی آسیا فوتبال بیلشوویده افغانستان ملی فوتبال تیرمه جماعه‌سی 3-0 نتیجه‌سیده بوتان‌نی یوتقزدی. اویین‌نینگ بیرینچی یریمی خیبر امانی و مسیح سیغانی‌لر گول اورشی بیلن اوز پایانی‌گه ییتدی و اوچینچی گول هم اویین‌نینگ ایکینچی یریمده خیبر امانی تامانیدن جالی‌گه اوریلدی.
افغانستان اوشبو موفقیت بیلن جنوبی آسیا رقابت‌لری‌نینگ نهایی باسقیچی‌گه یول آلدی.
مملکت ملی فوتبال تیمی بوگون بوتان بیلن چیققن‌ده اویس عزیزی دروازه‌بان، حسن امین، مسیح سیغانی، سیدمحمد هاشمی و مصطفی حدید مدافعه‌وی چیزیغده، اباسین علی‌خیل و کنشکا طاهر هافبک مدافعه، نورالله امیری، فیصل شایسته و امید پوپلزی میدان اورته‌سیده و خیبر امانی ایسه هجومچی خط‌ده ایشله‌گن.
پنج‌شنبه کون (3جدی) افغانستان بنگله‌دیش‌نی تورت گول اوریب غالب چیققن ایدی. مسیح سیغانی، فیصل شایسته، زبیرامیری و خیبر امانی‌لر اویین‌نینگ بیرینچی یریمده اوچ گول و اویین‌نینگ ایکینچی یریمده ایسه بیر گول اورگن ایدیلر.
اوشبو بیلشوولر هندده یول‌گه قوییلگن. افغانستان «الف» گروهی‌ده بوتان و بنگله‌دیش‌نی یوتقیزیش بیلن ایکی کوندن سونگ (28 دسمبر)ده مالدیو بیلن اوینیدی.
