افغانستان انسان حقلری کمیسیونی، «افغانستان باله‌لری‌نینگ آغیر ایشلرینی عاملی و اونی نتیجه‌لری» توغریسیده ینگی فکر اورگه‌نیشیده ایتیشیچه، باله‌لرنینگ 90% دن آرتیغی هفته‌ده 35 ساعت‌دن آرتیق، 60% کونده 7 ساعت‌دن آرتیق و اولرنینگ کمیده 10% کیچه یریم‌لریگچه ایش قیله‌دیلر.
افغانستان باله‌لری‌نینگ آغیر ایشلرینی عاملی و اونی نتیجه‌لری 657 سوراق ریجه‌سی و ولایتی کینگش اعضالری، نماینده‌لر، محلی ارگانلر، ایش بیلرمانلر، بیلیم یورت استادلری، دین عالم‌لری وقوم بویوک‌لری بیلن 53 ییغین یولگه قوییلیب بوتون ولایت‌لردن تیارلنگن.
اوشبو فکر اورگه‌نیش‌ده اشتراک قیلگن‌لردن 92.5% اوغیل باله‌لر دیر؛ 0.8% اویلی و 98% مجرد بولگن. اوشبو باله‌لردن 3% ناگران و شونینگ‌دیک، 3% عایله‌لریدن اوزاق دیر.
انسان حقلری کمیسیونی‌نینگ فکر اورگه‌نیشی اساسیده، ایشلاوچی باله‌لرنینگ عایله‌لری اورته شکلده 9 کیشی بولگن و بو موضوع باله‌لرنی آغیر ایشلرگه تارتیش خصوصیده، تأثیر قویگن.
معلومات‌لرگه کوره، باله‌لردن کمیده 50% دکاندارلیک، کفش تیکیش، حلبی سازلیک و ماشینه توزه‌تیش ایشلری بیلن شغللنه‌دی و بو رقم اخلت ییغیش، قول ساتیش و اسپند ایشلریده 10.5% گه ییتیشه‌دی.
بوگون بو گزارش‌نی ارایه ایتیش ییغینیده افغانستان انسان حقلری کمیسیونی باشلیغی سیما سمرنینگ ایتیشیچه، باله‌لردن 56% ایشلریدن راضی و 43% ناراض‌لر. باله‌لردن 42% فنی اورگه‌نیش دن راضی و 49% مالی درامدلری اوچون راضی کورینه‌دی.
افغانستان انسان حقلری کمیسیونی باشلیغی گه کوره، آغیر ایشلر بیلن شغللنه دیگن باله لردن 84% ایش حقی نی آله دیلر و ایش حقلریدن 81% عایله لریگه بیره دیلر.
بو آره‌ده باله‌لردن 13% ایش اورگه‌نیش اوچون، 35.6% اویده ایش قیلیش، 21% عایله‌سی‌نینگ قرضی برابریده و 12.6 ییمک قولگه کیریتیش برابریده ایش حقی‌نی آلمه‌یدیلر.
معلومات گه کوره، ایش قیله‌دیگن باله‌لردن 56& اوقیش دن محروم قالگن‌لر. 61% غیر صحی محیط‌لرده ایش قیله‌دیلر و بو آره‌دن 32% ایش جریانیده زیان کورگن.
شونینگ‌دیک، انسان حقلری کمیسیونی‌نینگ گزارشی‌ده ایتیلیشیچه، ایشلاوچی باله‌لردن 59% کونده اوچ وقت آوقت گه قول تاپه دیلر و بیر-ایکی وقت آوقت گه قول تاپه دیگن باله‌لر رقمی 39% گه ییتیشه‌دی.
گزارش اساسیده، ایش قیله‌دیگن باله‌لردن 40% ایش جریانیده تهدید و باسقین گه روپه‌ره بوله‌دی. 33% کلتک‌لنگن و 39% کم سیتیلیب و اهانت گه اوچره‌‌گن. ایشلاوچی باله‌لردن 16% جنی زوره‌وانلیک‌که دوچ کیلگن و 43% نینگ وجودی لمس ایتیلگن.
افغانستان انسان حقلری کمیسیونی اوشبو گزارش‌نی سونگی‌ده مسؤول اداره‌لردن باله‌لرگه تیگیشلی قانونلرنی قانونی کود ده دسته‌بندلیک قیلیب و شرایط گه اساس، یخشی‌لنتیریشی‌نی سوره‌یدی. شونینگ‌دیک، اوشبو کمیسیون باله‌لرنینگ آغیر ایشلرینی اساسی عاملی ناتینچلیک و اوروش دیب و حکومت‌دن تینچلیک تأمین لنیشی خصوصیده، کوپراق سعی و حرکت قیلیشی نی سوره‌یدی. اورته بوییچه باله‌لرگه جبری تعلیمات بیریش، تعلیمات بولیمی‌ده قشاق باله‌لرگه یاردم بیریش حکومت گه افغانستان انسان حقلری کمیسیونی‌نینگ باشقه تکلیف‌لریدن بولگن.
