.jpg)
ایرته (پنج‌شبنه، 5- حمل) افغانستان ملی فوتبال تیرمه جماعه‌سی روسیه 2018- و دبی 2019- ییل باشلنغیچ اویینلرینینگ بیرینچی باسقیچی‌ده جاپان بیلن مسابقه‌گه چیقیشی کوتیله‌دی.
بو اویین ایرته جاپان پایتختی توکیوشهری‌نینگ سایتاما خلق ارا سپورت میدانی‌ده افغانستان وقتی بیلن ساعت اوچ ده باشله‌نیشی ایتیلگن.
جاپان ملی فوتبال تیرمه جماعه‌سی دنیا و آسیاده‌گی قدرتلی تیملردن سنه‌له‌دی. بوتیم نیچه مرته خلق ارا اویین‌لرده قتنشگن.
افغانستان فوتبال فدراسیوینی تامانیدن ترقه‌تیلگن بیاناتده، افغانستان ملی تیرمه جماعه‌سی قطرده بیر هفته‌لیک مشق اوتکزگن سونگ بوگون جاپان جونب کیتگن.
شونینگ‌دیک افغانستان ملی فوتبال فدراسیونی، قطر فوتبال مشقی‌ده اشتراک قیلمه‌گن افغانستانلیک آلتی فوتبالچی هم بوگون جاپان باریشی‌دن خبر بیرگن.
افغانستان و جاپان‌نینگ آسیا جامی‌گه یول تاپیش بیلشووی ایرانده اوتکزیلگن ایدی. مذکور اوینده جاپان افغانستاننی 6 گول اوریش بیلن میدان‌نی یوتگن ایدی.
.jpg)
ایتیلیشیچه، ایرانده جاپان بیلن افغانستان فوتبال اویین‌لریده افغانستانلیک آلتی اویینچی سریغ کارت کورگن.
اوشبو اویینچی‌لردن هر بیری ایرته اوتکزیله‌جک مسابقه‌لرده قیته‌دن سریغ کارت کورگن تقدیرده، مارچ آیی ایرانده سنگاپور بیلن اوتکزیله دیگن بیلشووگه چیقیش‌دن محروم ایتیله‌دی.
افغانستان روسیه خلق ارا باشلنغیچ اویینلرینینگ بیرینچی باسقیچی‌ده تورتینچنی اوریننی کسب قیلگن ایدی. لیکن، مملکت ملی تیمی سنگاپورنی یوتگن تقدیرده دبی‌ده اوتکزیله دیگن 2019- خلق ارا فوتبال اویینلری اوچون ییریک موفقیت سنه‌له‌دی.
