افغانستان عالی تینچلیک کینگشی و دنیا هم جمعیتی پاکستان‌گه ایشانمیدی. بو مملکت ترورچیلیککه قرشی کوره‌شیش‌ده صادق بولمه‌گن حالده، افغانستان، پاکستان‌ده اوتکزیله‌جک تینچلیک مذاکره‌سی‌نینگ بیشینچی دوریده اشتراک قیلیشی امکاندن اوزاق.
اوتگن کون (جعمه) پاکستان تشقی ایشلر وزیرلیگی افغانستان‌ده تینچلیک اورنه‌تیش اوچون تشکیل ایتیلگن گروه بیشینچی دور مذاکره‌سی یقین‌ده اوتکزیلیشی‌نی معلوم قیلگن بیر پیتده، افغانستان عالی تینچلیک کینگشی بو موضوعگه عکس‌العمل بیلدیرماقده.
عالی تینچلیک کینگشی‌نینگ اورین باسرلریدن عبدالخبیر اوچقون، رسمی اسلام آباد بوندن آلدین هم افغانستان‌ده تینچلیک اورنه‌تیلیشی اوچون، دولت قوراللی مخالف‌لرینی مذاکره میزیگه حاضر قیلیش‌ده جدی سعی وحرکت آلیب باریشی‌نی بیلدیرگن ایدی؛ لیکن، افغانستان حکومتی مملکت‌ده تینچلیک اورنه‌تیش اوچون پاکستان‌نی بیر مرته هم بو خصوصیده ایجابی آدیم تشله‌گن‌لیگی‌گه گواه بولمه‌گن دیدی.
جناب اوچقونگه کوره، پاکستان افغانستان دولت قوراللی مخالف‌لرینی تینچلیک مذاکره‌سی‌گه اولتیریش‌ده کوندیرمه‌گن تقدیرده، مملکت عالی تینچلیک کینگشی بو گروه قه‌ییرده بولمه‌سین مذاکره‌گه اولتیره‌دی.
اوتگن کون جمهور رییس‌غنی روسیه اخبارات واسطه‌لریدن بیرگه قیلگن صحبت‌ده، پاکستان‌نینگ منطقه‌وی سیاسیت‌لرینی تنقید ایتیب، بو مملکت افغانستان دولتی‌گه بیرگن وعده‌لریگه همکارلیک قیلمه‌گن‌لیگینی تیل‌گه آلگن.
بیر قنچه سیاسی تحلیل‌چی‌لرگه کوره، پاکستان ترورچی گروه‌لرگه قرشی کوره‌شیش اراده‌سی بولمه‌گن‌لیگی سبب، افغانستان دولت قوراللی مخالف‌لرینی تینچلیک مذاکره‌گه کیلتیریش اوچون اولگورمه‌گن. سیاسی تحلیل‌چیلردن وحید مژده‌نینگ سوزلریگه کوره، پاکستان دنیا جماعه‌چیلیگی اینیقسه امریکه قوشمه ایالت‌لری آرقه‌لی باسیم آستی‌گه آلیگنی باعث، افغانستان‌ده تینچلیک تامین له‌نیش اوچون متعهد ایکن لیگینی اثبات قیلیش‌ده سعی وحرکت قیله‌دی.
سونگی نیچه آی ایچی‌ده افغانستان، چین، پاکستان و امریکه قوشمه ایالت‌لری نماینده‌لری اورته‌سی‌ده اوتکزیلگن ییغین‌لرده، پاکستان هر قنده‌ی یول بولمه‌سین، طالب‌لرنی افغانستان دولتی بیلن مذاکره‌گه تیار قیلیش اوچون سوز بیریب کیلگن؛ اما، بوندن نیچه وقت آلدین قوراللی طالب‌لر بیر بیانات ترقه‌تیب، افغانستان حکومتی بیلن مراسه قیلیش‌نی بوتونلی رد ایتدی.
