حکومت تامانیدن تعیینلنگن مذاکره قیلیووچی هیات نینگ سلاموطندارگه ایتیشیچه، افغانستانلیکلر ارا سوزلشوولر آرتده قالدیریلگن.
مذاکره قیلیووچی هیات اعضالریدن غلام فاروق مجروح و حبیبه سرابی نینگ سلاموطندارگه ایتیشیچه، افغانستانلیکلر ارا سوزلشوولرنی 26 اسد ده قطر باشکنتی دوحه شهریده یولگه قویلیشی خصوصیده قرار قیلینگن ایدی، بیراق نامعلوم دلیللر باعث، آرتده قالدیریلگن.
اوشبو هیات اعضالری، افغانستانلیکلر ارا سوزلشوولرنینگ آرتده قالدیریلیشی خصوصیده کوپراق معلومات بیرمهیدیلر، بیراق، کیلهجک هفتهده یولگه قویلیشیدن امیدوارلیک بیلدیرهدیلر.
طالبان گروهی بیر اعلامیه آرقهلی، افغانستانلیکلر ارا سوزلشوولر باشلهنیشیگه قرشی حکومت تامانیدن مانع ایجاد ایتیلیشینی بیلدیرگن ایدی.
بوگون "شنبه" ملی مصالحه کینگشی باشلیغی عبدالله عبدالله نینگ مذاکره قیلیووچی هیات اعضالری بیلن اوچرهشوویده ایتیشیچه، مذاکره قیلیووچی هیات کوچلی حمایه، واحد فکر و لازم هماهنگلیک بیلن مذاکرهگه بارهدی.
ملی مصالحه کینگشی باشلیغی، مذاکره قیلیووچی هیات نینگ فعالیت، هماهنگلیک و برنامهلرینی امیدلنترووچی عنوان قیلگن.
تینچلیک بوییچه دولت وزیری، افغانستانلیکلر ارا سوزلشوولرنینگ آرتده قالیشی خصوصیده معلومات بیرمهگن.
