افغانستان مخدر ماده‌لرگه قرشی کوره‌ش وزیری سلامت عظیمی 40 و 19% مخدر ماده‌لرنی ایکیش و قاچاق قیلیش اوتگن ییل‌گه نسبتن کمه‌یگن‌لیگی باره‌سیده خبر بیرگن.
مخدر ماده‌لرگه قرشی کوره‌ش وزیری سلامت عظیمی و ساغلیق‌نی سقلش وزیرلیگی اورین باسری ناجیه طارق بوگون (سه‌شنبه) مخدر ماده‌لر قاچاقی و ایکیلیشی باره‌سیده جواب بیریش اوچون سنا مجلسی‌گه چقیریلگن ایدی.
ساغلیق‌نی سقلش وزیری اورین باسری‌گه کوره، مذکور وزیرلیک مملکت‌نینگ آلتی حوزه‌سیده 150 بسترلیک شفاخانه قوریشنی نظرده توتگن. اما اونینگ سوزلریگه کوره، مخدر ماده‌لرگه بیریلگن‌لرنی درمانلش اوچون کسلخانه قوریلیشی بو معما حل ایتیلیشی اوچون حل یوق ایمس؛ اولرنینگ حساباتی‌گه کوره، مخدرماده‌لرگه بیریلگن‌لرنینگ دوالنگن‌لریدن 92% قیته بنگی‌وار ماده‌سی‌گه یوز کیلتیره‌دیلر.
سونگی ییل‌لرده افغانستانده مخدر ماده‌لرگه بیریلگن‌لر سانی کوزگه کورینرلی درجه‌ده آشگن. ایریم تحقیق‌لرگه کوره، 2005- ییل ده مخدر ماده‌لرگه بیریلگن‌لر سانی 920 مینگ کیشی بولگن. اوشبو رقم 2009- ییل‌ده بیر میلیون‌دن آرتیق و 2014- ییل اوچ میلیونگه ییتگن.
امریکه تشقی ایشلر وزیرلیگی‌نینگ مخدر ماده‌لرگه قرشی کوره‌ش بولیمی افغانستانده مخدر ماده‌لرگه بیریلگنلردن کته قسمی‌نیگ ایندی بلاغت‌گه ییتگن‌لر ایته‌دی.
بوندن آلدین افغانستان ساغلیق‌نی سقلش وزیری فیروزالدین فیروز، افغانستانده مخدر ماده‌لرگه بیریلگن‌لر سانی اوچ میلیونگه ییتگن دیگن ایدی. اونگه کوره، بو جمله‌دن بیر میلیون 600 مینگی دایمی شکلده قالگن‌لری ایسه وقفه یی صورتده مخدر ماده‌لرنی ایشله‌ته دیلر.
افغانستان سنا مجلسی باشلیغی فضل هادی مسلمیار، مخدر ماده‌لرگه قرشی کوره‌ش وزیر و ساغلیق‌نی سقلش وزیرلیگی اورین باسرلری تامانیدن بیرگن جواب‌لر قانیقرلیدیگن. سناتورلردن بیر گل احمدگه کوره، بوندن 12 ییل آلدین مملکت بولیب 100 مینگ کیشی مخدر ماده‌لرگه بیریلگن، ولی حکومت تفاوت‌سیزلیگی سبب مذکور رقم بوگون ایسه اوچ میلیونگه ییتگن.
ایریم گزارش‌لرده حاضر دینا بویلیب 220 میلون کیشی مخدر ماده‌لرگه بیریلگن و مخدر ماده‌لر قاچاقیدن هر ییلی 400دن 600 میلیاردگه ییته‌دی
